Një fillim i mrekullueshëm i mëngjesit garantohet jo vetëm me një rutinë të përcaktuar gjumi, por edhe me disa nga citimet më të mira të të gjitha kohërave. Lexojini më poshtë.
“Kjo është një ditë e mrekullueshme. Nuk kam parë kurrë një ditë kaq të bukur më parë.” – Maya Angelou
Përshëndeteni ditën me krahë hapur dhe me atë ndjenjën e mrekullisë për vetë jetën. Shijoni momentin dhe atë që ju bën të lumtur, si kujtimet e fëmijërisë suaj. Asnjë ditë nuk është e njëjtë, dhe çdo ditë e re është një premtim dhe një shpresë e re, pyetja e vetme është a do ta dallojmë atë kur ta shohim.
“Vetëm një mendim i vogël pozitiv në mëngjes mund të ndriçojë tërë ditën.” – Dalai Lama
Kjo është gjithçka që ju nevojitet. Thjesht mendoni për një gjë pozitive në jetën tuaj ndërsa ndërroni rrobat ose pini kafenë e mëngjesit.
“Jepini kësaj dite një shans për të qenë dita më e mirë e jetës suaj.” – Mark Twain
Realiteti është, sigurisht, se ndonjëherë mund të bjerë shi dhe jo çdo ditë mund të jetë e bukur ose e përsosur. Por sa herë që i jep hapësirë për të menduar pozitivisht dhe mbusheni me ndjenja pozitive, atëherë i hap derën mundësinë e një dite të bukur.
“Ndoshta vitin e ardhshëm në këtë ditë do të dëshironi të kishit filluar nga sot.” – Karen Lamb
Vitin tjetër do të keni edhe një vit. Pse të mos e përdorni këtë vit për të marrë diçka që është e rëndësishme për ju dhe do t’ju kënaqë? Këshilla jonë është të shkruani prioritetet tuaja dhe të zbuloni se çfarë duhet të bëni për të arritur qëllimin, në mënyrë që të mos e filloni nga e para çdo vit.
“Udhëtimi prej një mijë kilometrash fillon me një hap.” – Lao Tzu
Secili prej nesh ka përjetuar momente shqetësimi se nuk do të arrijmë kurrë t’i arrijmë qëllimet tona. Metaforikisht, ky citim do t’ju ndihmojë t’i afroheni qëllimit. Shkruani një listë prioritetesh dhe filloni të punoni me to, hap pas hapi. Në këtë mënyrë do të përqendroheni në secilën nga detyrat më të vogla që janë pjesë e tablosë së madhe – qëllimi që dëshironi të arrini.
“Kam qenë gjithmonë i magjepsur nga ideja e një dite të re, një fillimi të ri, ndoshta e ndërthurur me magji diku në mëngjes.” – John Boyton Priestley
Nëse vlerësojmë çdo ditë të re, në fakt do të vlerësojmë mundësi të reja për të cilat nuk do të kishim dijeni. Përdoreni çdo ditë si një mundësi tjetër për të zgjidhur problemet ose thjesht të mësoni të jetoni jetën. Mrekullitë ndodhin çdo ditë, ndaj sigurohuni që zemra dhe mendja juaj të jenë të hapura për t’i pranuar ato.
