Është e vërtetë se Mein Kampf e bëri Hitleri një njeri shumë të pasur. I shkruar fillimisht si një trakt politik, por edhe si një mënyrë për të hequr shpenzimet e gjyqit të Hitlerit për tradhëti në vitin 1924, libri është përkthyer në 16 gjuhë dhe ishin shitur rreth tetë milionë kopje në kohën e vdekjes së autorit të tij, në vitin 1945. Në ndërkohë, është vlerësuar të ketë fituar rreth 1 milion dollarë në vit në honorare, të cilat financuan blerjen dhe zgjerimin e vendbanimit të tij në Alpe, në Berghof pranë Berchtesgaden.
Megjithatë, pavarësisht të gjithë pasurisë së dukshme, Hitleri ishte një karakter tepër asket, i cili kishte pak “ndjenja” për paranë, dhe – kur u bë Kancelar dhe Führer – kishte shumë pak nevojë për të. Në të vërtetë, ai madje zgjodhi të heqë dorë nga paga kancelarit të Rajhut dhe, si kujton shërbyesi i tij kujton, nuk mbante asnjëherë vetë para. Kështu, honoraret nga Mein Kampf u administruan nga menaxheri i biznesit të Hitlerit, Max Amann, drejtor i botuesit të tij, Franz Eher Verlag në Mynih – një nga shtëpitë botuese më të pasura dhe më me ndikim në Gjermaninë naziste.
Para vdekjes së tij në prill të vitit 1945, Hitleri shkroi një testament, në të cilin ai la shumicën e pasurisë së tij për Partinë Naziste. Megjithatë, me shpërbërjen e kësaj të fundit pas luftës, së bashku me eleminimin e Franz Eher Verlag, asetet dhe pasuritë e mbetura të Hitlerit u transferuan në Bavari, shtetin ku ai ishte banor i regjistruar. Bavaria ka penguar botimin e librit në territoret gjermanisht-folëse, dhe ka kërkuar, me sukses të kufizuar, që ta ndalë edhe gjetkë. Sipas ligjit gjerman, megjithatë, e drejta e autorit ka skaduar në 70-vjetorin e vdekjes së autorit – 30 prill 2015. Kërkesa për botimin e parë të Hitlerit Mein Kampf të shtypur që do të printohen në Gjermani që nga vdekja e tij, zuri në befasi botuesin në në janar 2016, teksa porositë ishin sa 4-fishi i librave të nxjerrë nga shtypi. /bota.al
