Disa diplomatë thanë për CNN të premten se Bashkimi Evropian ka të ngjarë të ndalojë udhëtarët amerikanë të udhëtojnë në Evropë teksa blloku po fillon të hapë udhëtime ndërkombëtare, për shkak të frikës së infeksioneve që ka në SHBA.
Si përgjigje, një zyrtar i Departamentit të Shtetit i tha CNN, “Ne e vlerësojmë transparencën dhe përpjekjet e bashkërenduara të partnerëve tanë dhe aleatëve evropianë për të luftuar këtë pandemi, dhe ne jemi të përkushtuar që të bashkërendojmë me ta, ndërsa shpresojmë të rihapim ekonomitë tona dhe të lehtësojmë kufizimet.”
Zyrtari citoi gjithashtu Sekretarin e Shtetit Mike Pompeo, i cili tha në fillim të kësaj jave se SH.B.A. ishte duke punuar me “miqtë tanë në BE për të përcaktuar se si ne mund të rihapim në mënyrë të sigurt udhëtimin ndërkombëtar”.
“Ne duhet të sigurohemi që kemi të gjithë elementët në vend për të rihapur udhëtimin midis BE-së dhe Shteteve të Bashkuara,” tha Pompeo në një konferencë shtypi. “Jam shumë i sigurt se gjatë javëve të ardhshme do ta kuptojmë këtë jo vetëm midis Shteteve të Bashkuara dhe BE-së, por edhe Shteteve të Bashkuara dhe pjesëve të tjera të botës. CNN / bota.al
