Nadia Nadezhda Savchenko është një pilote ukrainase 27-vjecare, e cila sot është e burgosura më e famshme në konfliktin me rusinë. Ajo ka pilotuar helikopterin “Mi 24” dhe bombarduesin “Su 24”, ndërsa vitin e kaluar është kapur rob nga rebelët pro-rusë. Savchenko ndodhet aktualisht në një spital burgu në Moskë. Ajo akuzohet nga rusët për vrasjen e disa gazetarëve, por ndërkohë një gazetë e pavarur në Rusi ka nisur një peticion për lirimin e saj. Ukrainasit i dhanë asaj medalje nderi për trimëri, ndërkohë që fillimisht përhapën lajmin se ajo u zhduk dhe se mund të ishte ekzekutuar. Për lirimin e Savchenko u diskutua edhe në Minsk në bisedimet e paqes mes Putin dhe Poroshenkos. /Lapsi.al/
