Koleget më të padurueshme? E zbulon Zodiaku! Në punë, krijimi i një marrëdhënieje të mirë me kolegët është i rëndësishëm, por shpesh është i ndërlikuar, veçanërisht me disa njerëz. Xhelozia, konkurrenca dhe gjërat e pashprehura mund të çojnë në keqkuptime, probleme ose, edhe më keq, në grindje. Nga ana tjetër, nuk mund të merresh vesh me të gjithë, por është e rëndësishme të njohësh njerëzit, të kuptosh se kujt t’i besosh dhe kujt nuk mundesh.
Nëse gratë e shenjës së Binjakëve janë kolege të dashura, me të cilat duhet të pish kafe dhe të bësh shaka, të lindurat nën shenjën e Demit janë gjithmonë të gatshme të japin dorën. Sidoqoftë, e njëjta gjë nuk mund të thuhet për shenja të tjera. Të lindurat në shenjën e Dashit, për shembull, mund të jenë kolege të vështira për t’u menaxhuar. Në fakt, ato kanë një konkurrencë të fortë dhe në punë duan të japin më të mirën, duke rrezikuar të errësojnë të tjerët. Pikërisht për këtë arsye shumicën e kohës ato zbatojnë strategji dhe nëse duan mund t’ju shkaktojnë shumë telashe.
Pak a shumë ashtu si u ndodh atyre që kanë lindur nën shenjën e Luanit, të cilat, në vërshimin e dëshirës për t’u dukur me çdo kusht, rezultojnë të jenë shumë konkurruese në punë. Gratë e lindura nën këtë shenjë në zyrë synojnë promovime dhe mirënjohje, mbi të gjitha ato nuk janë të gatshme të heqin dorë derisa të arrijnë atë që duan. Më mirë të mos i pengoni dhe të mos i kundërshtoni!
Kujdes edhe për koleget e Gaforres! Në fakt, emocioni shpesh luan truket në këtë shenjë, të cilat mund të bëhen shumë prekëse dhe të vështira nëse ndiheni të lënduar. Një fjalë e gabuar është e mjaftueshme për të krijuar tensione dhe armiqësi në zyrë, që nuk do të zgjidhen derisa të ketë një sqarim ballë për ballë.
Koleget më “me gjemba” me të cilat mund të kesh të bësh, janë pa dyshim ato që kanë lindur nën shenjën e Virgjëreshës. Personalitetet e tyre të ndryshueshme dhe komplekse shpesh i bëjnë ato unike në punë. Ato mund të transformohen në aleate dhe të krijojnë një atmosferë të relaksuar kur të duan, por nëse janë të bindura se kanë të drejtë për diçka, mund të krijojnë mjaft probleme, duke i shpallur luftë të gjithëve. Ato janë gjithashtu shumë të pavarura dhe nuk u pëlqen të punojnë në një ekip, një arsye më shumë për të “qëndruar larg” kur bëhet fjalë për garat ose promovimet. / bota.al
