Eshtë gushti i vitit 79 pas Krishtit. Mëngjesin e datës 24 toka dridhet dhe një kolonë shumë e madhe hiri ngrihet për 32 kilometra. Mbërrijnë deri në stratosferë. Një shi materialesh shpërthyes bie në tokë dhe gropos, nën shumë metra fragmentesh vullkanike, një zonë të madhe në jug të Vezuvit. Më pas, kolonia bie përtokë dhe krijon renë piroklastike më shkatërrimtare që ka prodhuar ndonjëherë vullkani në dy mijëvjecarët e fundit. Gjithcka përreth asgjësohet. Për sa kohë? Realisht kanë kaluar shekuj përpara se jeta të rifillonte në këto zona? “Pas vitit 79 në Pompei kemi shenja të një jete që rifillon, por në një mënyrë shumë të avashtë”, shpjegon profesor Antonio de Simone i universitetit Suor Orsola Benincasa në Napoli. Vila romane në Somma Vesuviana, është dëshmi e dëshirës për të rifilluar, e popullsisë që banonte në atë zonë, në anën tjetër të Vezuvit.
