Të gjithë mbajmë inate, nëse diçka nuk na shkon siç e presim. Mirëpo ka persona të disa shenjave të horoskopit, që mbajnë inate të zgjatura. Më poshtë po ju njohim me katër shenjat më ekstreme në hatërmbetje.
- Dashi
Janë persona shumë të fiksuar pas karrierës së tyre dhe nëse dikush ndërhyn në aspektin e tyre profesional, apo i pengon të avancojnë në jetë, mbajnë inate në ekstrem. Dashi mban mend çdo person që ndërhyn në jetën e tyre, apo që i pengon në një aspekt të caktuar. Janë persona që në vend të shpenzojnë energji për ta kaluar atë situatë dhe të përqendrohen tek synimet që i kanë vendosur vetes, harxhojnë energji duke mbajtur inat.
- Shigjetari
Ndërkohë që Dashi zemërohet më tepër për fushën profesionale, Shigjetari ka një reagim më të thellë emocional. Shigjetari mban mend çdo person që e zhgënjen në aspektin emocional, në lidhje, apo shoqëri. Madje krahas hatërmbetjes, janë persona që mendojnë edhe të hakmerren ndaj atyre që i lëndojnë. Duhet të kuptoni se hakmarrja është arma e njerëzve të dobët, mundohuni të flisni për mënyrën se si ndiheni me miqtë tuaj,
- Bricjapi
Janë persona që mbajnë mend edhe detajet më të vogla të zënkave të tyre të shumë kohëve më parë. Mundet që të gjithë t’i harrojnë ato zënka, por Bricjapi nuk i harron, madje shpesh ua ritregon të tjerëve në të njëjtën mënyrë siç kanë ndodhur. Në fakt, janë shenjë që u pëlqen pak të viktimizohen. Nëse jeni Bricjap dhe e keni vënë re këtë aspekt të vetes suaj, uluni ndonjëherë dhe mendohuni për rëndësinë e asaj çfarë ka ndodhur, ndoshta do e kuptoni se ka kaluar shumë kohë dhe nuk ia vlen të mbani ende inate.
- Peshqit
Personat e shenjës së Peshqve janë njerëz që nuk u pëlqen të flasin shumë, ama presin që të tjerët t’i kuptojnë se si ndihen. Ata duan që kur ndihen keq, ose kanë nevojë për diçka, të tjerët përreth t’i kuptojnë pa u thënë gjë. Nëse diçka e tillë nuk ndodh, menjëherë mërziten dhe fillojnë të mbajnë inat. Nëse i përket shenjës së Peshqve, ndoshta ka ardhur momenti të kuptosh se nuk je i rrethuar nga fallxhorë. Ndoshta duhet të nisësh të shprehesh më tepër dhe të mbash më pak inate.
