Kujtohuni të mos e humbni kurrë veten tuaj, përpara burrave, ndaj pengesave që do t’ju vendosë jeta para, në muret që do të ngrihen përgjatë rrugës tuaj, mos u humbni, mos e tradhëtoni veten.
Ndonjëherë është e dhimbshme të jetosh, por mos i lejoni vetes luksin e krijimit të iluzioneve të kota për premtimet që dikush nuk do t’i mbajë kurrë, për histori apo justifikime që nuk i përkasin vetes, për një jetë që dikush tjetër ka zgjedhur për ju.
Mos i besoni gënjeshtrat e të tjerëve, edhe nëse ato janë të bukura dhe ju bëjnë të ëndërroni. Mos u besoni atyre që ju premtojnë dete dhe male, dhe as atyre që ju thonë se nuk mund ta bëni këtë apo atë gjë, sepse e vërteta është se asgjë nuk është e pamundur për ju. Nëse ekziston diçka për të cilën besoni se ia vlen të luftoni, bëjeni atë, ngrihuni dhe luftoni, me koston e përdorimit të gjithë forcës dhe energjisë që keni.
Të tradhëtosh veten do të thotë të heqësh dorë nga ëndrrat e tua, t’i lësh ato në rrugë duke menduar se nuk ia vlen t’i shohësh ato të realizuara, ose të luftosh për to.
E tradhëtoni veten sa herë që hiqni dorë përballë problemeve dhe vështirësive, ju e bëni atë sa herë që nuk mund të mbroni dëshirat tuaja. Ju e tradhëtoni veten kur theksoni gënjeshtrat e një burri që dëshiron t’ju ndryshojë, të një mikeje që ju thërret vetëm kur është e nevojshme, të një jete të përditshme që nuk ju pëlqen, por është shumë e rehatshme për ta lënë atë dhe për të shkuar drejt të panjohurës.
Ju e tradhëtoni veten çdo herë që përsërisni me vete fjalët: “Unë do të doja, por nuk mundem”, sepse e dini mirë se kjo është gënjeshtra më e madhe që mund t’i thuash vetvetes. Dhimbja e një dështimi nuk është asgjë në krahasim me britmën e dëshpëruar dhe të çmendur të një shpirti që humbet dhe tradhëton veten. Kush heq dorë nga thelbi i vet, humbet rrugën dhe nuk mund të shkojë më në shtëpi.
Pra, jini gjithmonë të vërtetë me veten tuaj, pa hezituar ose trembur, edhe nëse të tjerët nuk ju kuptojnë ose ju tregojnë me gisht si “të ndryshëm”, edhe nëse ata që thonë se ju duan ju kërkojnë të ndryshoni, mos e bëni atë. Dhe mos kini frikë të thoni jo, bërtisni nëse ata ju thonë të mbyllni, vallëzoni nëse ju kërkojnë të qëndroni të qetë dhe bëhuni saktësisht personi që keni zgjedhur të jeni. / meb.al
