Kokkinotrimithia, Qipro – Një djalosh sirian sheh nga dritarja, teksa autobusi i tij mbërrin në një kamp refugjatësh në 4 shkurt. Ai ishte njëri prej 93 imigrantëve që lundruan drejt bregut veriperëndimor të ishullit, dhe afro 700 të tjerë mund të jenë rrugës, sipas asaj që besojnë autoritetet në Qipro. Ndonëse ndodhet rreth 100 milje larg nga bregu sirian, Qipro – ndryshe nga fqinjët e vet, Greqia dhe Turqia – nuk ka qenë një port i zakonshëm zbarkimi për sirianët që i ikin luftës civile. Socrates Hasikos, ministri i brendshëm i ishullit, tha se sa kohë që nuk ka një fluks masiv, ata mund të përballojnë imigrantët.
