Testimi është diskutuar në detaje dhe Sekretari i Transportit në Mbretërinë e Bashkuar Grant Shapps ka thënë se më pak njerëz do të kishin vdekur nga koronavirusi, nëse do të kishte një kapacitet më të madh të testimit.
Qeveria tha se përmbushi objektivin e saj të 100,000 testeve të koronavirusit deri në fund të prillit, megjithëse shifra 122.347 përfshinte më shumë se 40,000 teste të dërguara në shtëpitë e njerëzve.
Për dallim nga Mbretëria e Bashkuar, vende si Gjermania dhe Koreja e Jugut grumbulluan me shpejtësi komplete testesh dhe e vunë atë në dispozicion për një numër më të madh laboratorësh.
Prof John Newton, nga Shëndeti Publik në Angli, ka thënë se niveli i testimit me gjashtë shifra do të ishte i nevojshëm për fazën tjetër të përgjigjes ndaj pandemisë. Testet jo vetëm që ndihmojnë në diagnostikimin e njerëzve individualisht, por mund të përdoren për të kuptuar se sa është përhapur virusi në popullatë.
Testet gjithashtu mund të ndihmojnë njerëz të tillë si punëtorët shërbimit mjekësor që të dinë nëse janë të sigurt për të shkuar në punë. Një total prej 20,000 familje në Angli do të testohen çdo muaj për një vit – për të zbuluar infeksione koronaviruse aktive dhe për antitrupa që tregojnë një infeksion të kaluar. / bota.al
