Ulur në shtëpi, vetëm dhe në errësirë, një ndjenjë e papritur frike dhe një e dridhur e shpejtë mund të përshkojë trupin tonë. Sigurisht, qimet ngrihen përpjetë dhe morrnicat mbulojnë lëkurën tonë. Është një ndjesi që të gjithë e kemi patur në një moment apo në një tjetër, por pse trupi ynë reagon në këtë mënyrë kur jemi të frikësuar?
Ajo kujton një kohë kur njerëzit e lashtë përballeshin me frikën e përditshme të grabitqarëve kërcënues për jetën. Si rezultat, trupat tanë zhvilluan atë që ne tani e quajmë reagimin: qëndro ose mbathja. Ky është një reagim stresi që shkakton një çlirim të adrenalinës, duke shkaktuar nxitimin e zemrës sonë, djersitjen e pëllëmbëve dhe shfaqjen e morrnicave. Gjatë kësaj gjendje qëndro ose mbathja, muskujt e vegjël ngjitur me çdo qime tkurren, duke i bërë qimet të ngrihen përpjetë.
Sot, njerëzit janë relativisht pa qime në krahasim me paraardhësit tanë. Çarls Darvini supozoi se në një moment në kohë paraardhësit tanë do të kishin qenë shumë më me flokë dhe morrnicat i frynin edhe më shumë qimet, për t’i bërë ata të dukeshin më të mëdhenj dhe më frikësues për grabitqarët e mundshëm. / bota.al
