Sapo një person lë duhanin, trupi i tij fillon menjëherë të riparojë dëmet. Detoksikimi nis vetëm pas disa minutash dhe që të përfundojë, i duhen 15 vjet.
Pas 20 minutash: Rrahjet e zemrës dhe presioni i gjakut nisin të rikthehen tek normalet. Ato rriten kur një person pi cigare.
Pas 12 orësh: Niveli i rritur i monoksidit të karbonit në gjak rikthehet në normalitet. Ky gaz është toksik – në sasi të mëdha, ai mund të dëmtojë zemrën dhe sistemin nervor qendror.
Pas 5 ditësh: Trupi ka shpërbërë pjesën më të madhe të nikotinës.
Pas 2 javësh: Rrjedhja e gjakut dhe qarkullimi i ajrit në mushkëri përmirsohen.
Pas 1-9 javësh: Mukusi i membranave të mushkërive është pastruar. Kjo forcon sistemin imunitar.
Pas 1 viti: Rreziku për sëmundje të zemrës përgjysmohet.
Pas 15 vitesh: Ish duhanpirësit kanë të njëjtin risk për një atak në zemër, sa edhe joduhanpirësit./bota.al