Në 3 prill, “Panama Papers” tronditi përmes medias mbarë botën, dhe pasojat qenë të shpejta. Një kryeministër dha dorëheqjen, dhe udhëheqës të tjerë botërore gjenden nën një presion në rritje për të dhënë llogari për veprimet e tyre. Por efektet e këtij skandali nuk janë të shpërndara në mënyrë të barabartë; dokumentet përmbanin më shumë informacion në lidhje me aktivitetet offshore të individëve në botën në zhvillim, se sa ata në botën e zhvilluar.
Cilatdo qofshin arsyet për këtë mungesë ekuilibri, kjo ka të ngjarë të kufizojë ndikimin e publikimit të këtyre dokumenteve. Në botën në zhvillim, historitë e gjata të korrupsionit e kanë mpirë ndjeshmërinë e publikut ndaj skandaleve, dhe qeveritë shtypëse lënë pak hapësirë për reagim popullor. Pra, ndonëse më pak informacion u publikua mbi liderët perëndimorë, ai tashmë është duke u shkaktuar më shumë dëm.
Ky është vetëm fillimi. “Panama Papers” është rrjedhia më e madhe e informacionit në llojin e vet, në një kohë që informacioni që është publikuar deri më tani, duket të jetë vetëm maja e ajsbergut. Lexoni më poshtë një analizë të atyre që janëimunë, dhe atyre që janë të destinuar të dëmtohen rëndë prej rrjedhjes më të madhe të informacionit në histori…
