Julia Roberts ka realizuar një ndër videot më të suksesshme në internet, e cila ka fituar menjëherë një audiencë dhe shikueshmëri të jashtëzakonshme. Bëhet fjalë për videon virale ku aktorja ka cituar një tekst, në të cilin flet për rolin e natyrës dhe domosdoshmërinë për ta mbrojtur atë. Natyra nuk ka zë të flasë, ama çdo gjë që bëjmë në të, një ditë do të kthehet mbrapsht. Natyra mund të evoluojë, ajo që ne na mbetet në dorë, është ta mbrojmë aq sa të mundemi. Siç thuhet edhe në video: “Veprimet tona do të përcaktojnë fatin tonë, jo fatin e nënës Natyrë”.
“Disa më quajnë “Natyrë”. Të tjerët më quajnë “Nëna Natyrë”. Unë kam qenë këtu për më shumë se katër miliardë e gjysmë vjet: 22,500 herë më shumë se ju. Në të vërtetë, unë nuk kam nevojë për njerëzit, njerëzit kanë nevojë për mua. Po, e ardhmja juaj varet nga unë. Kur unë lulëzoj, ju lulëzoni. Kur unë lëkundem, ju lëkundendeni… ose më keq akoma.
Por unë kam qenë këtu për shumë gjatë. Unë kam ushqyer specie më të mëdha se ju dhe kam bërë të ngordhin urie specie më të mëdha se ju. Oqeanet e mia. Toka ime. Përrenjtë e mi që rrjedhin, pyjet e mia. Ata të gjithë mund t’ju marrin ose t’ju lënë. Mënyra si zgjidhni të jetoni çdo ditë, nëse më merrni në konsideratë apo më shpërfillni, nuk ka shumë rëndësi për mua. Në një mënyrë apo tjetër, veprimet tuaja do të përcaktojnë fatin tuaj, jo timin. Unë jam Natyra. Do vazhdoj përpara. Unë jam gati të evoluoj. A jeni ju gati?”
