Dëshironi të keni një takim me engjëllin tuaj mbrojtës? Nëse gjithmonë keni dashur të ndjeni praninë e tyre dhe merrni udhëzimet e tyre, ka teknika që mund t’ju ndihmojnë të kontaktoni engjëllin tuaj mbrojtës.
Ftoni dhe thirreni engjëllin tuaj mbrojtës
Qeniet e dimensioneve të tjera, si engjëjt, nuk mund të ndërhyjnë në jetën e qenieve të këtij dimensioni, sepse respektojnë vullnetin e lirë të njerëzve. Megjithatë, kjo nuk i pengon ata të përgjigjen nëse një person i fton.
Për të kontaktuar engjëllin tuaj mbrojtës, duhet ta thërrisni atë.
Kur doni të kontaktoni engjëllin tuaj, duhet ta thërrisni atë tri herë. Në këtë mënyrë ju dërgoni një mesazh të qartë për qëllimin tuaj, për ta njohur atë dhe për të marrë udhëzimet e tij. Ky rregull zbatohet për të gjitha qeniet e dimensioneve të tjera.
Heshtja dhe qetësia e brendshme
Pasi ta keni thirrur engjëllin tuaj mbrojtës, heshtni dhe qetësohuni. Emocionet, si çdo lloj tjetër energjie, mund të krijojnë ndërhyrje dhe të parandalojnë komunikimin efektiv.
Gjithashtu është e këshillueshme që të mos ketë stimulues ose substanca që e mjegullojnë mendjen dhe e ndotin trupin. Qenia juaj duhet të harmonizohet në mënyrë që të shprehet në kapacitetin maksimal të saj. Sa më e heshtur është mendja juaj, aq më mirë ju mund ta shihni engjëllin tuaj.
Hapni shqisat
Shqisat nuk janë pikërisht ajo që shumë njerëz mendojnë. Ka nivele të ndryshme të perceptimit që shkojnë përtej 5 shqisave të njohura.
Me shumë gjasa, nuk do ta shihni ose dëgjoni engjëllin tuaj kur shihni ose dëgjoni një person.
Intuita, ose “shqisa e gjashtë”, është mënyra më efektive për të komunikuar me engjëllin tuaj. Kjo është arsyeja pse njerëzit që takohen me engjëjt i përjetojnë ato situata, pothuajse gjithmonë në momente ankthi të madh. Në ato momente, qenia njerëzore është në gjendje të reagojë sipas instinktit të vet.
Kjo hap një kanal komunikimi me engjëllin mbrojtës.
Për të kultivuar intuitën, përgjigjuni impulseve tuaja për të lexuar, kërkuar ose shqyrtuar diçka që ndjeni, edhe nëse nuk ka logjikë. Mund të jetë zëri i engjëllit tuaj i cili dëshiron t’i përgjigjet thirrjes tuaj.
Kultivoni imagjinatën
Imagjinata nuk është ajo që njerëzit e quajnë “fantazi” me tallje. Është një forcë shumë e fuqishme krijuese që mund t’ju japë një pamje të qartë të engjëllit tuaj mbrojtës.
Në librin e tij Kabala dhe fuqia e ëndërrimit, autorja Catherine Shainberg shpjegon se si kjo traditë e lashtë përdor fuqinë e imagjinatës për të hyrë në nivele të tjera të perceptimit. Ofron një ushtrim që këtu e përshtasim, për të kontaktuar engjëllin mbrojtës:
Pas thirrjes së engjëllit tuaj, relaksohuni në një vend të rehatshëm dhe mbyllni sytë. Nëse dëshironi, mund të bëni një pyetje para fillimit të relaksimit. Lejoni të rrjedhin imazhet mendore. Mbani vëmendjen tuaj në imazhe pa i kontrolluar ato. Gjatë këtij procesi, ju do ta lini engjëllin tuaj të hyjë në imagjinatën tuaj dhe të shfaqet vetë.
Krijoni një atmosferë dashurie
Mjedisi rreth jush duhet të pasqyrojë paqen e brendshme. Sa më pak shpërqëndrime të ekzistojnë rreth jush, aq më të lirë do të jenë kanalet e komunikimit për të pranuar praninë e engjëllit tuaj mbrojtës.
Krijimi i një altari është një mënyrë ideale për të ftuar engjëllin tuaj mbrojtës për t’u shprehur në realitetin tuaj. Praktikoni intuitën dhe komunikoni me engjëllin tuaj, duke pyetur se cilat ngjyra ju pëlqejnë, cilat janë lule tuaja të preferuara ose çfarë ju duhet, që të jeni në gjendje t’ju kontaktojë më mirë. Besoni se, nëpërmjet mendimeve tuaja, engjëlli juaj do t’ju ofrojë përgjigje për pyetjet tuaja.
Kthejeni shtëpinë tuaj në një oaz dhe sigurohuni që të mbani mjedisin tuaj të mbushur me bukuri, paqe, harmoni dhe dashuri. Pak nga pak atmosfera juaj e brendshme dhe e jashtme do të transformohet.
/ meb
