E ka origjinën në një pyetje të bërë nga fizikani Enrico Fermi gjatë një bashkëbisedimi, që u mbajt në Laboratorin Kombëtar të Los Alamosit në vitin 1950, me kolegët Emil Konopinski, Eduard Teller dhe Herbert York. Argumenti ishin shfaqjet e shumta të UFO-ve në atë kohë. Në atë moment, Fermi thirri: “Ku janë gjithë këta?”, duke iu referuar faktit që, nëse në të vërtetë do të kishte patur shumë qytetërime jashtëtokësorë të evoluar në univers, atëherë do të kishte qenë logjike që të zbuloheshin përmes sinjaleve radio, sondave apo anijeve hapësinore. I pari që ngriti pyetjen për këtë argument ishte Konstantin Tsiolkovsky, shkencëtar rus dhe pionier i astronautikës, që e kishte parashtruar argumentin në një dorëshkrim të vitit 1933./Bota.al
