Vetëm një rithemelim i mirëfilltë social dhe demokratik i eurozonës, i projektuar për të nxitur rritjen dhe punësimin, dhe me një bërthamë të vogël vendesh të të gatshme për të udhëhequr përmes shembullit dhe zhvilluar institucionet e tyre të reja politike, do të jetë i mjaftueshëm, për t’iu kundërvënë impulsive të urrejtjes nacionaliste, që tanimë kërcënojnë të gjithë Evropën

Nga Thomas Piketty

E djathta ekstreme në Francë, është rritur në vetëm pak vite nga 15 në 30 përqind të votave, dhe tashmë ka një mbështetje deri në 40 përqind në disa rajone. Shumë faktorë kanë kontribuar në këtë rezultat:rritja e papunësisë dhe ksenofobisë, zhgënjimi i thellë mbi rendimentin e së majtës në drejtimin e qeverisë, ndjenja se kemi provuar gjithçka, dhe se është koha për të eksperimentuar me diçka të re.

Këto janë pasojat e trajtimit katastrofik të rënies ekonomike, që filloi në Shtetet e Bashkuara në vitin 2008, një situatë e vështirë të cilën ne në Evropë e shndërruam për shkak të veprimeve tona, në një krizë të qëndrueshme evropiane. Përgjegjësia mbi këtë bie mbi institucionet dhe politikat, të cilat janë dëshmuar tërësisht të pamjaftueshme, veçanërisht në eurozonën e përbërë nga 19 vende.

Ne kemi një monedhë të vetme me 19 borxhe të ndryshme publike, 19 norma…