Kush nuk e njeh vajzën e zgjuar të serisë së librave dhe filmave të “Harry Potter”? Kush nuk e njeh aktivisten e kohëve të fundit për barazinë gjinore? Emma Watson i ka kushtuar karrierës një pjesë të mirë të jetës së saj, pasi u përfshi në botën e kinematografisë shumë e vogël, aq sa për shumë persona u shndërrua edhe në idhullin e fëmijërisë së tyre. Ndërkohë, në vijim do të mund të lexoni disa nga mësimet që mund të përfitojmë prej saj.
- Edukimi është i rëndësishëm (edhe nëse je i pasur).
Emma Watson në moshën 13 vjeçare u bë aq e pasur, saqë ne ndoshta nuk kemi për të qenë ndonjëherë në jetën tonë. Gjithsesi, edhe pse ishte e pasur kur arriti moshën e pjekurisë, ajo u regjistrua në Universitetin e Broën, duke na dhënë të gjithëve mesazhin se edukimi është ndër prioritetet që duhet të kemi në jetë. Emma mund të zgjidhte edhe të flinte e qetë duke shpenzuar lekët që i kishin siguruar gjithë jetesën, por nuk e bëri, pasi arsimimi është çelësi i gjithçkaje në jetë.
- Bëj atë që të pëlqen, edhe pse mund të duket se askush mund të mos e pëlqejë.
Kur Emma Watson publikoi fushatën #HeForShe dhe mbajti edhe fjalimin e saj, u shpreh: “Kush është ajo? Ajo vajza që aktron tek Harry Potter? E çfarë po bën në një fushatë të tillë?”, duke ruajtur të njëjtin ton ironik të zërit. Gjithsesi, ajo vazhdoi me fushatën e saj, pasi besonte tek gjërat që donte të arrinte dhe nuk priste që dikush të luftonte për të.
- Jeta jote të përket vetëm ty dhe mund ta jetosh si të duash vetë.
Edhe pse Emma u bë e njohur që në moshë shumë të vogël, sërish ka arritur t’i menaxhojë miqësitë e saj, si dhe ndoshta edhe lidhjet private në një mënyrë të tillë që askush të mos mësojë gjë për të. Deri tani, ende nuk kemi dëgjuar ndonjë skandal nga jeta e saj personale.
- Ti nuk ke pse ndjek turmën.
Erdhi një moment gjatë xhirimeve të “Harry Potter”, të cilin Daniel Radcliffe dhe Rupert Grint i rinovuan kontratat e tyre, ndërsa Emma po e vononte nënshkrimin e kontratës së saj. Në atë kohë ajo mendonte se regjistrimet e Harry Potter do ta pengonin gjatë provimeve në universitet, ndaj dhe stafi i xhirimeve vendosi që periudhat e xhirimeve t’i caktonin pas provimeve të Emmës në fakultet.
- Kujtohu përherë edhe të kënaqesh.
E kemi parë të kërcejë me Jimmy Fallon, të bëjë selfie humoristike me stafin e “Beauty and the Beast”, apo të tallet gjatë prapaskenave të “Harry Potter”, duket sikur ajo ka kaluar një kohë mjaft të mirë duke qenë vetvetja, si dhe duke jetuar jetën e saj. Ajo mund të ketë parë shumë gjëra, të ketë bërë shumë gjëra, apo të ketë punuar me njerëz që ne nuk i imagjinojmë dot, por ajo është një vajzë e dashur dhe humoristike me të gjithë, sidomos me fansat e saj.