Dy shenjat më me fat për sot, e mërkurë 18 gusht 2021:
BINJAKET
Gjatë kësaj dite mund të bëni edhe plane për të ardhmen sepse mendja juaj do jetë më e ndriçuar. Çastet e lumturisë do jenë më të shpeshta. Nëse keni një lidhje do bëni çmos që ta mbani të ndezur pasionin. Do e përkëdhelni partnerin pa pushim dhe do tregoheni të gatshëm t’ia plotësoni çdo dëshirë. Lum ai që iu ka në krah. Nëse jeni beqarë, edhe pse keni kohë që kërkoni dashurinë, nuk do e gjeni as sot. Në punë duhet të mbroheni nga xhelozia e tepruar e kolegeve. Mos lejoni që ata t’ua prishin planet që keni bërë sepse më vonë do ju marrin nëpër këmbë. Nëse shpenzoni pa masë, situata financiare do ketë tronditje të mëdha. Shmangni momentet kritike që mund t’iu kushtojnë shtrenjtë.
LUANI
Tregohuni të sinqertë gjatë kësaj dite dhe nuk keni për t’u penduar kurrë. Mund të fillojnë të realizohen edhe disa nga ëndrrat tuaja. Nëse jeni në një lidhje dhe doni që gjërat të shkojnë mirë me partnerin, duhet t’i shprehni më shumë ndjenjat. Edhe nëse keni pasur mosmarrëveshje mund ta përmirësoni situatën po shtuat dozat e komunikimit. Ju beqarët do jeni sensualë dhe do e bëni shumë shpejt për vete personin që keni pëlqyer prej kohësh. Në planin profesional do i kaloni një nga një pengesat dhe do ndiheni më të sigurt për hapat që duhet të hidhni. Bravo për këmbënguljen. Situata financiare do fillojë të përmirësohet dalëngadalë.
