Kremlini dëshiron një rend të ri për sigurinë në Europë, një që do të krijonte zona influence si mburojë kundër NATO-s. Problemet e Perëndimit për të kuptuar qëllimet e vërtetë të Rusisë. Të cilët më në fund, mes mjegullës së propagandës, kanë nisur të përvijohen. A po kërkon Putini rindërtim të perandorisë sovjetike, ashtu si mendohej një vit më parë, apo ribërjen e arkitekturës europiane të sigurisë? Dhe pse rusët kërkojnë konferenca të ngjashme me atë të Jaltës 1945 dhe Helsinkit 1975?
Kur zyrtarë të lartë amerikanë, europianë dhe rusë u mblodhën nën llambadarët e praruar të një pallati barok në Vienë muajin që kaloi, për të diskutuar mbi sigurinë europiane pas krizës në Ukrainë, fantazmat e historisë rrinin dhe vështronin.
Dy shekuj më herët, në sallone si ky, burrat e shtetit nga fuqitë e mëdha të Europës u takuan në vitin 1815, në Kongresin e Vienës – përpjekja e parë e madhe për të miratuar traktate që synonin të garantonin paqen transkontinentale, pas humbjes së Francës së Napoleonit
