Historia dhe shkëlqimi i Evitës, gruas që lindi për të komanduar, e cila nga vajza ilegjitime e pronari të vogël tokash, u bë e para First Lady e vërtetë e Amerikës së Jugut. Për argjentinasit është një heroinë e ardhur nga shtresat e ulëta, që arriti majat e pushtetit. Për shumë të tjerë një grua që ka vepruar për të përmbushur qëllimet e saj arriviste dhe hakmarrëse

… Në 26 korrik 1952 në 20:25 vdes “komandantia shpirtërore e kombit”, Evita Duarte Peron. Lajmi jepet në radio për të gjithë kombin, dhe shpallet zi kombëtare. Zija zgjat 15 ditë, nën një shi të vazhdueshëm që shoqëron vajin e argjentinasve. Evita ishte ende e re, vetëm 33 vjeç: vdekja transformon jetën e saj në legjendë dhe shumë argjentinas duan ta shenjtërojnë. Sot trupi i saj dergjet në varrin e familjes (të Duartëve) në varrezën më borgjeze të vendit, por për Argjentinën është sikur të mos ketë vdekur kurrë. Në një fjalim Juan Domingo Peron pohoi: “Pa dyshim peronizmi nuk do të ishte i njëjti pa Eva Peronin: ajo vendosi një kontribut të rëndësishëm dashurie dhe fanatizmi, për të cilin kanë nevojë çështjet e mëdha. Ishte një grua aq e mrekullueshme dhe la pas një trashëgimi që do të mbetet në historinë argjentinase për shumë vite”…

[real3dflipbook id=”533″]