17 tetor 1975. Kronika nga nje vend i madh ku nëqoftëse llogaritë nuk dalin, binaja mbyllet
Kryebashkiaku Abraham David Beame kishte mbushur të paktën dy blloqe shënimesh të shkruara me dorë dhe më pas të grisura plot nervozizëm, përpara se t’i dorëzonte një faqe sa të mjerë, aq edhe të vuajtur, sekretares së tij që t’ia shtypte me makinë shkrimi. Qenë rreshtat më të dhimbshëm që kish shkruar ndonjëherë në jetën e tij: ai, një llogaritar i bërë politikan, do të kujtohej në librat e historisë si njeriu që nuk kish ditur të bënte hesapet…
“Të bëjmë si në Amerikë”, ulërijnë njerëzit e çdo moshe dhe rreshtimi politik. Dakord, por si veprojnë në Amerikë? “Atje qeveria federale vrapon në ndihmë të administratave lokale për të shmangur falimentimin e tyre”, proklamojnë të zakonshmit nëpër talk-show. Dhe këmbëngulin: “FED-i pret para për të mbuluar borxhet”. Vërtet Federal Reserve vepron kështu? Seriozisht Uashingtoni vrapon të mbyllë vrimat? Po California është formalisht e falimentuar siç dëgjojmë të thuhet në rrethin politico – mediatik? Kush i ka flokët tashmë të thinjur, trishtueshmërisht ose ndoshta me krenari, e kujton sesi ishte New Yorku…
