Gëzimet dhe vështirësitë e bërjes së projekteve: njeriu i njeh mirë, qytetërimi ynë është zhvilluar gjithashtu në sajë të aftësisë për të parashikuar nevojat e ardhshme, si dhe duke sakrifikuar sot për të marrë një shpërblim nesër. Për një kohë të gjatë besohej se ishim të vetmit që e dinim se si bëhej kjo: dhjetë vjet më parë kemi zbuluar se majmunët e mëdhenj – shimpanzetë, orangutangët dhe bonobot – gjithashtu dinë se si të planifikojnë për të ardhmen.
Tani, listës i shtohen edhe korbat: zogjtë e kësaj familjeje e dinë se si të organizohen për të përballuar nevojat e ardhshme, edhe kur ato nuk janë të menjëhershme, dhe madje edhe në situata të jashtëzakonshme e jo të përditshme. Nuk bëhet fjalë për një përshtatje të zhvilluar në përgjigje të nevojave specifike të mjedisit, por një aftësi e zhvilluar në mënyrë të pavarur tek zogjtë dhe hominidët, linja e evolucionit të të cilëve u ndanë 320 milion vjet më parë.
TREGUESIT E MEPARSHEM
Për korbat dimë që janë instrumentistë të aftë dhe se, ashtu si njerëzit, kanë kapacitet për të menduarin abstrakt. Në vitin 2007, një studim nga Universiteti i Kembrixhit tregoi se korbat dinë të stivojnë furnizime ushqimore në vende ku ata imagjinojnë se do të gjenden të uritur në mëngjes.
Disa e kanë interpretuar atë si provë e aftësisë për të bërë plane, por që megjithatë ka një dobësi: mund të jetë një përshtatje e veçantë e lidhur me ushqimin, dhe jo një aftësi e përgjithësuar. / Bota.al
