Një grua në Afrikën e Jugut është gjetur e gjallë në një frigorifer të vdekurish, pasi mjekët ligjor e kanë shpallur të vdekur si pasojë e një përplasjeje të tmerrshme automobilistike.
Gruaja, e cila mbetet anonime, u dërgua në morgun e Carletonville, në Gauteng, pasi shërbimi i ambulancës ‘Alert për shqetësime’ konfirmoi vdekjen e saj në vendin e ngjarjes, më 24 qershor.
Teknikët e morgut e gjetën atë të gjallë në frigoriferin e morgut, shumë orë pas aksidentit në të cilin viktima dihej e vdekur.
TimesLive shpjegoi se si kolegët i kishin ngarkuar trupat në frigoriferë dhe po plotësonin formularët kur njëri u kthye për t‘i kontrolluar ata.
Ai tha: “Kur ai tërhoqi trupin e gruas, ai pa që po merrte frymë”.
Por, për të mbrojtur vendimet e tyre, menaxheri i operacioneve të Distress Alert, Gerrit Bradnick, tha: “Ne i kemi ndjekur të gjitha procedurat tona, e nuk kemi asnjë ide se si ka ndodhur kjo.
“Të gjitë pjestarët e atij operacioni shpëtimi janë të tmerruar. Puna jonë nuk është që njerëzit e gjallë t’i deklarojmë të vdekur, përkundrazi, puna jonë është t’i mbajmë ata gjallë.
“Të gjitha kontrollet e duhura janë bërë- kështu pacientja u shpall e vdekur”.
Bradnick tha për TimesLive: “Pajisjet u përdorën për të përcaktuar gjendjen e saj, nuk tregonin asnjë shenjë jete nga gruaja.
Nuk është hera e parë që një gjë e tillë ka ndodhur në Afrikën e Jugut si rezultat i një aksidenti automobilistik.
Në vitin 2016, një 28-vjeçar u zbulua se ishte i gjallë pasi kishte kaluar dy ditë në një frigorifer të vdekurish, kur familja e shokuar erdhi për të identifikuar trupin e tij.
Kjo është diçka shumë tronditëse dhe ne vetëm shpresojmë se diçka do të bëhet për të siguruar që kjo të mos ndodhë përsëri./LadBible-Bota.al
