Lexoni horoskopin e Paolo Fox për ditën e mërkurë, 20 Tetor 2021. Ditët kalojnë shpejt dhe ja ku erdhi e mërkura! Cilat shtytje dhe çfarë pengesash do të vendosin yjet përgjatë rrugës së shenjave të zodiakut? Dashi duhet të jetë më i qetë, ndërsa për Binjakët do të ketë një dëshirë të thellë për hakmarrje. Peshorja do të ketë forcë të madhe, ndërsa Bricjapi do të ndiejë nevojën për të lehtësuar disa ngarkesa të tepërta. Nëse doni të dini më shumë, hidhini një sy horoskopit të Paolo Fox.
Dashi
Sipas horoskopit të Paolo Fox, duhet të filloni të veproni më me qetësi, pa atë nxitim që ju kap çdo herë. Problemi juaj i vërtetë është padurimi juaj: nëse vendosni për një gjë, nuk doni të prisni! Në këtë ditë, çdo moment reflektimi, çdo arsyetim, nga ana tjetër, do të jetë i çmuar për të shmangur problemet shtesë. Në dashuri do t’ju duhet të përballeni me shumë pengesa planetare: kini kujdes!
Demi
Do të jetë një ditë tjetër mjaft delikate, në nivel ekonomik dhe pune. Ju do të duhet të jeni të kujdesshëm, të shmangni zgjedhjet e rrezikshme dhe të prisni për një kohë më të mirë. Ndoshta do t’ju duhet të mbyllni një situatë dhe të hapni një të re më vonë. Ju do të luftoni me një bllokim të krijuar në të kaluarën dhe me një projekt të ri për të filluar.
Binjakët
Dëshira juaj për revansh do të rritet edhe më shumë. Në këtë periudhë horoskopi juaj është i ndarë në dysh: në frontin e punës jeni plot mundësi, intuitë, ide krijuese. Në frontin e dashurisë, megjithatë, dyshimet dhe ndërlikimet vazhdojnë. Aq më tepër nëse kohët e fundit jeni ndarë dhe nuk i keni zgjidhur të gjitha problemet tuaja.
Gaforrja
Siç tregon horoskopi i Paolo Fox, do të jeni nën një presion të madh. Fatkeqësisht, ju po kaloni një kohë shumë të vështirë. Ju jeni në një udhëkryq midis së kaluarës dhe së ardhmes. Lënia e kujtimeve, lidhjeve nuk është gjithmonë e lehtë; për ju, që jeni shenjë uji, është edhe më pak. Sidoqoftë, jeta u kërkon të gjithëve të shikojnë përpara, të përshtaten me risitë, ndryshimet.
Luani
Dita juaj do të ndriçohet nga një hënë e bukur: përdoreni atë për t’i deklaruar ndjenjat tuaja personave të dashur. Për më tepër, Venusi do të favorizojë dashurinë gjatë fundjavës që vjen. Me pak fjalë, janë ditë të veçanta dhe të çmuara për të risjellë në jetë forcën e dashurisë, veçanërisht për Luanët që kohët e fundit janë marrë vetëm me punë.
Virgjëresha
Dita juaj do të fillojë mirë, por me kalimin e orëve, mund të lindë një moment tensioni, mbase do të akuzoheni për diçka dhe do të duhet të mbroheni. Java premton të jetë më pak e lodhshme se ajo që sapo kaloi, por mbetet një shqetësim i pazgjidhur, mbase nuk keni qenë në gjendje të vendosni për një ndryshim që është i rëndësishëm për ju.
Peshorja
Sipas parashikimeve astrologjike të Paolo Fox, do të keni një forcë të madhe që mund ta përdorni për të kaluar një provë, për të zgjidhur një problem praktik, ndoshta ligjor, i cili në këtë moment ju shkakton ankth. Do t’ia dilni, nuk duhet të shqetësoheni shumë! Ka shumë të ngjarë që pritjet më pesimiste nuk do të përmbushen, prandaj përpiquni të jeni më optimistë. Kjo fundjavë e ardhshme do t’ju japë një shpërblim të mirë.
Akrepi
Do të jetë e rëndësishme të përpiqeni të vendosni tensionet nervore dhe mendimet negative në një qoshe. Nuk do të jetë e lehtë, sepse këto ditë ka një situatë të komplikuar familjare, ndoshta një i afërm që nuk është mirë dhe krijon shumë frikë. Bëni një përpjekje për të rimarrë pak më shumë qetësi!
Shigjetari
Duhet të përpiqeni të bëni vend për dashurinë, të vini në lojë ndjenjat dhe të përfitoni nga prania e Venusit në shenjën tuaj. Eshtë një kohë e mirë për t’u hapur dhe për të provuar emocione të reja, për të bërë takime intriguese: ta humbni tani, do të ishte një turp i vërtetë! Fundjava premton të jetë disi e komplikuar.
Bricjapi
Siç parashikon astrologu Paolo Fox, do të ndjeni nevojën për të lehtësuar veten nga njëfarë ngarkese. Nëse dikush përpiqet shumë t’ju detyrojë të bëni diçka që ju nuk doni ta bëni, do të krijohet acarim i thellë. Kushtojini vëmendje të veçantë Gaforres dhe Dashit, dy shenja që mund t’ju bëjnë të fryheni në këtë ditë.
Ujori
Do të gjeni një vizion më rozë të së ardhmes tuaj. Ujorët që kanë gjetur guximin për të ndryshuar jetën e tyre, do të fitojnë. Një fundjavë shumë joshëse në dashuri ju pret. Edhe ata që kanë përfunduar një lidhje kohët e fundit do të kenë së shpejti një mundësi të re!
Peshqit
Këtë javë do të duhet të punoni shumë për të qëndruar të qetë, përballë komplikimeve të mundshme ose përgjegjësive të rënda. Kjo këshillë do të vlejë edhe më shumë për fundjavën e ardhshme! Mundohuni të lini pas jush kujtimet e kaluara dhe të dhimbshme. Nëse një lidhje është e mbyllur, duhet ta kapërceni atë dhe të vazhdoni.
