Personaliteti i femrës së Virgjëreshës
Femra e shenjës së Virgjëreshës dallon për personalitetin e saj analitik mjaft të lidhur me realitetin. Është shenjë e lidhur me tokën dhe kjo gjë i siguron seriozitet dhe përgjegjësi, të cilat po ashtu i ka tipare dalluese në personalitet. Femra e kësaj shenje nuk e lejon veten të udhëhiqet nga ëndrrat apo iluzionet e saj, por ecën gjithmonë në bazë të arsyes. Për shkak të personalitetit të saj racional, të jep përshtypjen e një femre pak pasionante, por me tepër ekuilibër dhe qetësi. Kjo gjë e bën atë një mikeshë të drejtë dhe të besueshme, me një bujari tepër të madhe që e bën atë të japë mbështetje dhe këshillim për këdo që ka nevojë.
Karakteri i femrës së Virgjëreshës
Tipi i saj i personalitetit nuk e lejon t’i pranojë veset në karakterin e saj, përveç rasteve kur arrin perfeksionin në diçka që nis dhe përfundon. Kjo femër zotëron një kapacitet të madh fuqi dhe një vullnet po aq të madh për të arritur gjërat që dëshiron. Kjo është dhe arsyeja se pse ajo mund të bjerë në probleme vetëvlerësimi, nëse e dëshiron shumë diçka dhe ende nuk e ka arritur pavarësisht përpjekjeve të shumta që ka bërë. E rëndësishme është që, nëse je femër e kësaj shenje, të kuptosh se vullneti dhe durimi yt mund të bëjnë të arrish gjithçka që dëshiron. Nëse nuk ndodh kështu, dije se diçka më e mirë do të vijë në jetën tënde dhe se ajo që ke kërkuar, bie ndesh me atë çfarë universi kërkon që ti të arrish. Ndaj, kjo gjë nuk është arsye për të rënë në dëshpërim, pasi dëshpërimi është cilësi që nuk i shkon karakterit tënd të fortë.
