- Çfarë do i këshilloja unë Presidentit të 45-të të Shteteve të Bashkuara
- Këto muaj, do të jenë një periudhë studimi për Rusinë, Kinën dhe mbarë botën. Ata që nuk do të “studiojnë”, por mund të “veprojnë”, do jenë aktorët joshtetërorë
- Dy politikanët më të mirë që kam parë ndonjëherë? Ronald Reagani dhe Bill Clintoni. Ishin “të lindur”
- Pse, për të kuptuar Rusinë, duhet të lexojmë Dostojevskin, dhe jo Mein Kampf-in. Sikur Putini të pushtonte Letoninë në 2017-ën…
- Amerika është ndërtuar nga njerëzit me besim dhe kurajo për të eksploruar toka të reja. Rusia është ndërtuar nga një elitë që transportonte bujkrobërit në fusha të largëta, dhe nga carët që shpallnin: “Kjo tokë moçal do të jetë qyteti i Odessas, ose qyteti i Shën Petersburgut”. Ata shkojnë përpara, të shtyrë pjesërisht nga një lloj marrëdhënie mistike me vuajtjet dhe vizionin e tyre
- Europa dhe rendi i ardhshëm botëror. Pse rajoni që ndërtoi botën, tani është paralizuar. Në fund të Luftës së Dytë, kur Europa ishte e shkatërruar, ata nxorrën Adenauerin në Gjermani dhe Schumanin në Francë dhe De Gasperin në Itali. Ata burra kishin një vizion. Pse sot, pasardhësit e tyre rrezikojnë ta shndërrojnë atë vizion në një burokraci…
Të gjithë duhet të ndalen e të mbajnë vesh, sa herë që Henry Kissingeri vendos të flasë. Jo thjeshtë për eksperiencën, jo vetëm sepse është një nga mjeshtërat e marrëdhënieve ndërkombëtare, nga ata që kanë këshilluar të gjithë presidentët amerikanë gjatë dekadave të fundit. Mbi të gjitha, duhet dëgjuar sepse është një prej më të zotëve në përshkrimin e të ardhmes duke lexuar të kaluarën. Gjë që e ka bërë në këtë intervistë të dhënë për The Atlantic, sjellë në shqip nga www.bota.al, pas fitores së Donald Trumpit në SHBA. Duke shpjeguar, pikërisht përmes historisë, të tashmen dhe të ardhmen e rolit të Amerikës në botë, marrëdhënieve të saj me Rusinë, dhe gjendjes së vështirë të Evropës. Një “leksion” për të mos u humbur…
