Ushqimi “junk”, plot kalori kalori dhe i shijshëm, dëmton. Por, për disa ai është një ndërvarësi. Arsyen për këtë e ka shpjeguar “New York Times” në një artikull mbi nachos, patatinat e famshme me miell misri dhe djathtë, që citon Stiven Uitherlin, teknolog i ushqimit, i cili në vitin 2007 publikoi një studim me titullin “Pse njerëzit pëlqejnë ushqimet mbeturina”.
Sipas autorit, sekreti qëndron tek sasia e yndyrës. Duke prodhuar në gjuhë një ndjesi të këndshme të butësisë, këto substanca gënjejnë trurin tuaj, duke vonuar perceptimin e ngopjes, dhe duke bërë që të ndjehemi të kënaqur. Jo vetëm kaq:ushqimet mbeturina evokojnë kujtimet e fëmijërisë. Hamburgerët, patatet e skuqura, karamelet me ngjyra janë shumë të ëmbla. Një aromë e lashtë, sipas nutricionistëve: këto ushqime na kujtojnë në një nivel të nënndërgjegjeshëm shijen e qumështit të nënës dhe butësisë së gjirit, dhe në këtë mënyrë na inkurajojnë të rizbulojmë një marrëdhënie hedoniste me shijen.
Këtë teori e mbështesin edhe Çen-Bo Zhong dhe Senford DeVu, dy studiues në Rotman School of Management në Toronto (Kanada), në një studim të botuar në revistën “Shkenca Psikologjike”:fast-food (ushqimi i shpejtë) na shndërron në të porsalindur të paduruar, dhe të paaftë për të shtyrë për më vonë plotësimin e nevojave tona. / www.bota.al
Lexoni edhe:
https://www.bota.al/2016/12/sa-me-te-pasur-aq-me-pak-kenaqesi-ndjejme/
