Fëmijët spanjollë janë mbajtur në shtëpi që nga 14 marsi, nën masa të rrepta për të frenuar përhapjen e Covid-19.Tani Kryeministri Pedro Sánchez synon të zbusë rregullin në 27 Prill në mënyrë që ata të “marrin pak ajër”. Kryetarja e Bashkisë së Barcelonës, Ada Colau, e cila ka fëmijë të vegjël vetë, këtë javë u lkoordinua me qeverinë që të lejojnë fëmijët jashtë.
Spanja ka pasur më shumë se 20,000 vdekje që nga fillimi i pandemisë dhe pothuajse 200,000 raste të raportuara.Në një konferencë televizive të shtunën në mbrëmje, Sánchez tha që Spanja kishte lënë pas “momentet më ekstreme dhe përmbante sulmin brutal të pandemisë”.
Por ai tha se ai do t’i kërkojë parlamentit të zgjasë gjendjen e jashtëzakonshme të Spanjës deri më 9 maj pasi arritjet e bëra ishin “ende të pamjaftueshme dhe mbi të gjitha të brishta” dhe nuk mund të rrezikohen nga “vendimet e nxituara”.
565 vdekje të tjera u raportuan të shtunën, shumë më pak nga kulmi i pandemisë, dhe qeveria lejoi disa aktivitete jo shumë të rëndësishme të rifillojnë ndërtimet dhe prodhimet të hënën e kaluar.
Sidoqoftë, masat kryesore të izolimit mbeten në fuqi, të rriturit lejohen të vizitojnë vetëm dyqanet ushqimore dhe farmacitë ose punën që konsiderohet shumë e rëndësishme. Fëmijëve u është ndaluar plotësisht të dalin jashtë shtëpive të tyre.
BBC/bota.al
