Është gjithmonë mirë të njohësh diçka paraprakisht për personalitetin e personave që do të takosh dhe horoskopi tregon një sërë cilësish për ne. Më poshtë do të lexoni mbi femrat më dinake të horoskopit, të cilat meshkujt nuk duhet kurrsesi t’i nënvlerësojnë.
- Dashi
Nuk është diçka e re tashmë që personat e shenjës së dashit janë ndër më kokëfortët dhe më këmbëngulësit e zodiakut, edhe pse janë gjithashtu një shoqëri shumë e mirë për ta mbajtur pranë. Duhet të sigurohesh se nuk po i tradhëton, sidomos femrat e kësaj shenje, pasi do ta shohësh se janë tepër hakmarrëse. Ato bëjnë gjithçka, madje në mënyrat më dinake dhe mizore të mundshme, vetëm për ta bërë të vuajë personin që i tradhëton.
- Gaforrja
Femrat e shenjës së gaforres sillen në mënyrë shumë dinake dhe manipuluese me të gjithë personat e ligë që nuk besojnë në aftësitë e tyre dhe që i bëjnë të ndihen keq. Duke qenë se kanë një natyrë pesimiste, ato duan të ndihen të motivuara nga personat që i rrethojnë, në mënyrë që të ecin me shpresë dhe besim përpara. Kur një gjë e tillë nuk ndodh, dhe sidomos kur ato i bëjnë të ndihen akoma më dyshuese për aftësitë e tyre, femrat e Gaforres do të mbledhin mllef brenda vetes dhe do të hakmerren ashpër me këdo që i ka bërë të ndihen keq.
- Luani
Femrat e shenjës së Luanit kanë një karakteristikë tepër të veçantë. Ato nuk i pëlqejnë intrigat. Gjithashtu, ato nuk kanë asnjë problem për ta sfiduar hapur këdo që i kundërvihet atyre. Personaliteti që kanë, i bëjnë të kenë një karakter mjaft egocentrik, duke i bërë të mendojnë se kanë përherë të drejtë. Kjo gjë i shtyn që t’i kundërvihen kujtdo që del kundër tyre.
- Virgjëresha
Edhe pse femra e Virgjëreshës është një person tepër i ndrojtur, i sjellshëm dhe i turpshëm, kur dikush bën diçka kundër saj, ajo ndryshon komplet dhe shndërrohet në një person tepër të keq. Kjo gjë ndodh sapo dikush e kritikon, e bën të ndihet keq, apo i bën diçka që shkon kundër interesave të saj. Ndaj, nëse ke një femër të shenjës së Virgjëreshës pranë, mundohu të mos bësh gjë kundër saj, sepse mund ta pësosh mjaft keq.
- Akrepi
Tamam siç e përshkruan edhe emri i shenjës së horoskopit, femrat e Akrepit janë tepër dinake dhe të liga, në momente të caktuara. Ato mund të jenë mikeshat e tua më besnike dhe të dashura, e në të njëjtën kohë, edhe armiket e tua më agresive dhe të dhunshme që mund të arrish të gjesh. Duhet të shtojmë se ato janë tepër xheloze e të rezervuara. Nëse personi që kanë në krahë i tradhëton, ato do ta provokojnë atë derisa ai vetë ta pranojë të vërtetën duke mos i gënjyer më gjatë. / bota.al
