Astronautët e NASA-s kanë zbritur vërtetë në Hënë në korrik 1969? Ngrohja globale është një mashtrim? Kush e vrau Presidentin Kenedi? Në varësi të kujt jep përgjigjen, këto lloj pyetjesh mund të të shpien në një përroskë të errët, një vend ku askush nuk është me të vërtetë ashtu si duket, dhe ku nuk mund t’i besosh askujt. Mirësevini në botën e teorive të komplotit….

Atje ku ka teori komploti, duhet të ketë padyshim edhe teoricienë komploti. Termi mund të bëjë që të të vijë në mendje një grup i vogël luftëtarësh interneti, me një letër varaku në kokë (në imagjinatën pseudoshkencore, shërben për të mbrojtur trurin nga prurjet e jashtme). Por teoricienët e komploteve nuk janë aq të rrallë sa mund të mendohet. Në një investigim të vitit 2012 të YouGov mbi më shumë se 1700 qytetarë anglezë, pothuajse një e katërta u përgjigj se beson që princesha Diana është vrarë…