Kur FBI kërkoi ndihmën e saj për të “hapur” iPhonen e përdorur nga një prej terroristëve të sulmit në San Bernardino në dhjetor, Apple nisi një kryqëzatë në mbrojtje të privatësisë dhe të drejtave kushtetuese. Shumë hackera e mendojnë ndryshe. Nuk kanë hezituar të bëjnë zgjedhjen e tyre: u ofruan të ndihmojnë FBI-në. Për ta, drejtori ekzekutiv i Apple, Tim Cook, është vetëm një turbokapitalist i angazhuar në një operacion marketingu.

Ky episod i ditëve të fundit flet shumë për evolucionin e Apple, dyzetë vite pas lindjes. Gjithnjë e më e pasur dhe e fuqishme. Më pak e dashur se një herë e një kohë.

Steve Jobs nuk arriti të shohë parabolën zbritëse të legjendës së saj. Sa ishte gjallë themeluesi, ishte ende shumë i fortë kujtimi i origjinës heroike. Jobs ishte atëherë një shitës i madh ëndrrash. Në imagjinatën e shumë klientëve të tij, ishte edhe protagonisti i një beteje epike: ajo e Davidid kundër Goliathit. Kishte qenë i jashtmi i vogël kurajoz, në gjendje të sfidonte dy monopolistë të revolucionit të hershëm të internetit: IBM nga njëra anë, Microsoft nga tjetra.

Për pak i shpëtoi falimentimit, u dëbua dhe u rikthye…