Prania e grupeve radikale salafiste në Ballkan, nuk është një dukuri e kohëve të fundit. Gjatë luftës së viteve ’90, të paktën 5 mijë muxhahidinë dhe veteranë të luftës së Afganistanit, u dyndën për të luftuar përkrah muslimanëve të Bosnjës në Mostar, Sarajevë, Zenicë dhe Zhepçe, ku ishin inkuadruar në brigadën El-Muxhahid, njësi ku militonin të rinj të rekrutuar në Milano. Tek kjo brigadë bënte pjesë edhe Khalid Sheikh Muhamed, organizatori i sulmeve të 11 Shtatorit 2001 mbi Kullat Binjake në Nju Jork…

Gornja Maoca. Maoca, është një fshat rrëzë një kodre në Bosnjen Lindore, jo shumë larg nga Bërçko dhe kufiri me Kroacinë: qindra banorë, një grup kasollesh të rrënuara mes pyjeve skeletikë, si pasojë e dimrit. Këtu mund të mbërrihet përmes një shtegu të ngushtë, që shkon përgjatë një lumi të fryrë me baltë dhe trungje, që zvarriten në drejtim të rrymës si pasojë e shkrirjes së dëborës, kalon varrezat e braktisura serbe, ku kullosin një tufë delesh dhe përfundon tek këmbët e një xhamie me suvanë ende të patharë, e pajisur me 4 altoparlantë të drejtuar kah pikave kyçe:

[real3dflipbook id=”276″]