Prindërimi është punë e vështirë. Të gjithë duam të jemi prindër të mrekullueshëm, por askush nuk ta mëson si të jesh prind i mirë – duhet ta gjesh vetë. Ka ulje dhe ngritje, dhe mund të jetë e vështirë që të jesh prindi i përsosur, çdo ditë. Prioriteti kryesor është të sigurohesh që fëmija juaj është i lumtur, i mirëushqyer, i dashuruar dhe i sigurtë.
Ja 50 gjëra që mund të bëni, për të qenë një prind i mrekullueshëm.
- Mos u përpiqni të ndreqni gjithçka. Shpesh herë fëmija juaj do të ketë nevojë për ndihmë, por mos nxitoni ta ndihmoni çdo herë, pa u menduar. Ndonjëherë duhet lënë t’i zgjidhë vetë problemet e veta, kështu do të mësojnë të mbshteten tek vetja.
- Kushtoju vëmendje interesave të fëmijës, me qëllim që t’i ndihmoni t’i zhvillojnë.
- Ndani sa më shumë eksperienca që të mundeni me fëmijën. Që nga sportet, tek leximi dhe veshja, këto eksperienca do të shndërrohen në talente në të ardhmen.
- Një herë në javë, lëreni ta vendosë fëmija juaj se ç’duhet të hani për darkë.
- Mbani mend që disiplina dhe ndëshkimi janë dy gjëra të ndryshme.
- Lexoni libra me fëmijën tuaj për të paktën një çerek ore çdo ditë. Kjo është mënyrë shumë e mirë për t’u lidhur me të.
- Inkurajoni kohën në familje. Kjo u bën të mundur fëmijëve të lidhen fort me familjen e zgjeruar.
- Pranojeni kur e keni gabim. Pas një dite të vështirë, mund t’i bërtisni fëmijës. në vend që të ndiheni fajtor në fshehtësi, kërkoni falje, për t’i mësuar fëmijët me drejtësinë dhe ndershmërinë.
- Pranoni që partneri/partnerja juaj mund të ketë ide të ndryshme në lidhje me prindërimin dhe më pas bëni një kompromis që ju bën të dy të kënaqur.
- Mos ushtroni trysni mbi fëmijën që të mësojë. Nëse fëmija ankohet në mënyrë të përsëritur për leksionet e violinës, mos e detyroni të shkojë. Kështu vetëm sa do e bëni të përballet me stresin dhe shqetësimin.
- Mbani pritshmëri të larta për fëmijën tuaj, por qëndroni gjithmonë realistë.
- Vlerësojeni fëmijën sa herë që ka sukses në diçka, me qëllim që ta dijë se ka prindër që e mbështesin.
- Bëjini fëmijës tuaj pesë pyetje me ”ty” përditë, si për shembull “A të pëlqeu ty dreka?”, apo “A u kënaqe ti sot në shkollë?”
- Mësojani fëmijës përgjegjësitë ndërkohë që është i vogël. Që nga vendosja e kukullave në kutinë e lodrave, deri tek hedhja e kutisë së lëngut në koshin e mbeturinave, fëmija juaj nuk është asnjëheë shumë i vogël për t’u vetëdijësuar mbi botën që e rrethon.
- Cdo ditë, hani një vakt së bashku si familje. Fëmija juaj mund të mos kujtojë çdo vakt, por gjithmonë do e mbajë mend traditën.
- Duajini fëmijët tuaj njësoj, por mbani mend se ata janë unikë në mënyra të ndryshme.
- Mos u vini “etiketë” fëmijëve. Nëse e bëni, do e kenë shumë të vështirë të dalin prej saj.
- Bëhuni nga pakëz “budallenj” me fëmijën tuaj. Tregojuni fëmijëve shaka “budallaqe”, dhe nxitini të sajojnë shakatë e tyre dhe t’jua thonë.
- Dëgjojeni fëmijën, pa i injoruar mendimet e tyre, se janë të vegjël.
- Jepuni fëmijë lodra me ndërtim, si Lego apo blloqe. Kjo do ua nxisë kreativitetin.
- Shijojini momentet e mëdhenj. Të jesh prind është gjë e vështirë, me ulje e ngritje – shijojini momentet e mrekullueshme.
- Mos krahasoni fëmijët tuaj me të tjerët. Ata janë unikë dhe krahasimi i njerëzve është më shumë i dëmshëm, se sa i dobishëm.
- Nxiteni fëmijën që të menxojë për të ardhmen, por pa i ndikuar vendimet e fëmijës.
- Mbajeni televizorin në dhomën e ndenies. Kjo nxit kohë familjare dhe i jep fëmijës më pak shpërqëndrime, atëherë kur duhet të jenë duke fjetur.
- Mbajeni kremin e diellit pranë pastës së dhëmbëve të fëmijës përditë, dhe lyejeni përditë si pjesë e rutinës, në muajt e verës.
- Shkoni me fëmijën në vende të ndryshme, si muze, pishinë, librari dhe parqe, për të zgjeruar interesat e tyre.
- Jepuni fëmijëve dhurata që zgjojnë interesat e tyre.
- Ekspozoni gjërat që fëmija bën për ju në shtëpinë tuaj, për të treguar se jeni krenarë.
- Prezantojini fëmijët tuaj me miqtë tuaj më interesantë.
- Jepuni zgjedhje fëmijëve, që t’i ndihmoni të punojnë me aftësitë e tyre në vendim-marrje.
- Një pjesë të shtëpisë “lijeni mënjanë” si hapësirë loje për fëmijët.
- Pranojeni fëmijën për atë që është.
- Thuajini fëmijës që doni shumë të luani me të, dhe se është po aq argëtuese për ju, sa edhe për të.
- Tregojuni fëmijëve tuaj histori mbi ata vetë kur kanë qenë bebe.
- Lërini fëmijët t’ju ndihmojnë ndërkohë që gatuani, me qëllim që t’i ndihmoni të zhvillojnë interesin tek gatimi.
- Përqafojeni fëmijën çdo ditë.
- Hiqeni telefonin kur po luani po lexoni me fëmijën.
- Mbani mend se kur të jenë adoleshentë, do kenë mësuar të shkojnë vetë në banjë, kështu që mos u shqetësoni shumë herët për këtë.
- Mos e detyroni fëmijën të përqafojë apo puthë të afërmit apo miqtë, nëse nuk duan. Ata e dinë se me kë ndihen rehat dhe çfarë nuk duan të bëjnë.
- Mbani një ditar të të gjithë gjërave argëtuese që thotë fëmija juaj, për t’ua treguar kur të rriten.
- Praktikoni atë që predikoni – ndiqni dhe vetë rregullat që u mësoni fëmijëve.
- Një herë në javë organizoni natën e filmit me fëmijën tuaj. Eshtë një mënyrë jo e kushtueshme, e lehtë që të krijoni lidhje.
- Besojuni instikteve tuaja kur flitet për fëmijën tuaj – ju e njihni më mirë se kushdo.
- Angazhohuni me arsimimin e fëmijës tuaj, duke marrë pjesë në takime me prindër dhe duke i ndihmuar me detyrat e shtëpisë.
- Dilni me fëmijën në shëtitje të gjata, me qëllim që të shijojnë magjinë e natyrës, ndërkohë që krijojnë lidhje me ju.
- Pranoni që të dy, ju dhe fëmija juaj, do të keni të meta.
- Numëroni deri në 10 para se të reagoni ndaj zemërimit apo trishtimit të fëmijës suaj.
- Blini një libër me barcaleta, që t’i tregoni fëmijës suaj nga një barcaletë përditë.
- Tregojini shumë dashuri fëmijës suaj. Mbajani dorën kur ecni bashkë, dhe bëni “qepalla!” kur fëmija ka lajme të mirë.
- Flisni me fëmijët tuaj si të barabartë dhe respektoni mendimet e tyre. /www.bota.al
