Paaftësia për t’u lidhur me të tjerët është një nga pasojat më dramatike të pacientëve me çrregullim të spektrit autik. Ende nuk ka një kurë për të. Për fat të mirë një kërkim i sapopërfunduar nga shkencëtarët nga universiteti i Bufalos në Amerikë tregon evidencën se është e mundur përdorimi i një ilaçi për të lehtësuar simptomat e kësaj sjelljeje dhe se i drejtohet një sërë genesh të implikuar në këtë sëmundje. Kërkimi shkencor u publikua në “Nature Neuroscience” dhe tregoi se një trajtim i shkurtër me një dozë shumë të vogël të romidepsinës, një medikament të përdorur kundër kancerit dhe i miratuar nga FDA-ja, rivendosi në mënyrë të qëndrueshme defiçitet sociale tek minjtë me autizëm. Trajtimi me tri ditë ndryshoi problemet në aftësitë sociale të një geni të quajtur Shank 3, një faktor risku për çrregullimin e spektrit autik. Efekti zgjati tri javë duke nisur që nga mosha e re deri në adoleshencë të brejtësve, çka sugjeron se efektet e trajtimit mund të jenë më të gjata. Studimi bazohet në një kërkim të mëparshëm të 2015 që tregoi se humbja e Shank3 ndërpret komunikimet neurale duke prekur funksionin e receptorit NMDA (N-metil-D-aspartat), një lojtar kritik në rregullimin e konjicionit dhe emocionit. Në këtë kërkim të ri shkencëtarët gjetën atë që mund të rikthejë ato defiçite sociale me një dozë shumë të ulët të romidepsinës që restauronte shprehjen dhe funksionin gjenetik duke përdorur një mekanizëm epigjenetik ku ndryshimet gjenetike janë të shkaktuara nga ndikimet e ndryshme të sekuencave të ADN-së. / bota.al
