1. Çfarë bëri VW?
Kompania ka falsifikuar të dhënat e makinave të saj në SHBA, duke pretenduar se ishin më të pastra, seç realisht ishin.
2. Si e bënë atë?
Duke instaluar një software brenda kompjuterave, që njihte automatikisht kur makina po testohej dhe që tregonte nivelin e vendosur nga kompania të performancës së makinës.
3. Si u përhap problemi?
Rregullatorët thanë se 483 mijë makina të shitura në tregun e SHBA nga viti 2008 – 205 u gjetën me certifikata të dhënash të falsifikuara.
4. Cilët modele janë të përfshirë në skandal?
Modelet përfshijnë: Jetta, Beetle, Audi A3 and Golf nga 2009 në 2015 , duke përfshirë edhe Passat në 2014 dhe 2015.
5. Vetëm VW po e bën këtë?
Një investigim i SHBA ka treguar edhe se të tjerë kompani mund të kenë përdorur të njejtën praktikë për të shpërndarë mjetet e tyre në tregun e kësaj industrie.
Skandali i Volkswagen ka shpërthyer si një bombë e vërtetë në industrinë e makinave por jo vetëm. Skandali, që befasoi investitorët, pati ndikim të menjëhershëm tek aksionet e Volksëagen, të cilat që nga fillimi i javës kanë rënë në tregjet financiare me 30 për qind
Mediat raportuan Martin Winterkorn u detyrua të japë dorëheqjen pasi u mësua skandali i trukimit me anë të një programi që tregonte shifra të pasakta të emetimit të gazrave. Ajo çfarë bëri bujë tani është “pensioni i majmë” për Winterkorn. Mësohet se kompania i ka ofruar atij një bonus të jashtëzakonshëm pleqërie, prej 33 milionë dollarësh.
Skandali që ka përfshirë Volkswagenin po përhapet edhe në shtëpitë e tjera automobistike. Sipas gazetës gjermane “Bild”, edhe BMW mund të jetë përfshirë në këtë skanda: X3Drive 20d prodhon emetime gazi 11 herë më shumë se sa limiti i normave europiane. Kompania nga ana tjetër përgenjeshtron duke thënë se “BMW nuk i manipulon makinat e saj”. Seat, nga ana tjetër, sipas gazetës spanjolle “El Pais”, ka montuar që nga 2009 mbi 500 mijë motorë diesel të inkriminuar. Seat është filiali spanjoll i grupit Volkswagen./ Monitor
