Një pamje e asaj që mbetet prej tempullit të Athinasë në Delfi, në krah të tempullit të Apollonit, ai i orakullit të famshëm të Picias. Sipas legjendës, priftëresha që shpallte orakujt në emër të perëndisë Apollon në tempullin e Delfit, e bënte në një gjendje euforie mistike, që shkaktohej prej avujve të cilët dilnin nga një e çarë e shkëmbit.
Shpjegimi i mundshëm: Tempulli, mbetjet e të cilit janë të dukshme ende sot, gjendet në një zonë veçanërisht aktive nga pikëpamja sizmike dhe nën të janë pikasur dy fraktura, prej të cilave ndoshta dilte gazi i përmendur. Mbi natyrën e gazit dhe cilësitë e tij haluçinogjene, megjithatë, ka ende debat. Ka nga ata që kanë hedhur hipotezën se bëhet fjalë për etilenin, të tjerë për benzenin apo një përzierje mes metanit dhe anhidritit të karbonit./bota.al
