Nga Jim Murphy
* Në një botë shumëkanalëshe, nuk mund të presësh që publiku të vijë tek ti. Kjo do të thotë se duhet të mendosh dhe të veprosh, si një njeri në detyrë dhe një sfidant në të njëjtën kohë. Duhet të kombinosh “fuqinë e zjarrit” të një aktori të afirmuar, me shkathtësinë e një rishtari
* Fushatat e suksesshme kanë nevojë për një politikë angazhimi. Për të mposhtur populizmin në ngjitje të anti-europianëve, ne duhet të mendojmë dhe të luftojmë si ata – ndonëse fushëbeteja është transformuar prej Twitterit dhe Facebookut. Smartphone – kompjuteri në xhep i më shumë se 60% të të rriturve – po shndërrohet në një burim dominues lajmesh
Mund të mësosh shumë gjëra për vendin tënd, kur realizon një tur në 100 qytete për 100 ditë. Në muajt e fundit para referendumit për pavarësinë mësova për bukuritë e Skocisë dhe çuditë e saj. Ishte një burrë që sa nuk mu hodh përsipër, dhe ulëriti “Tradhëtar”, mu tek veshi. Më tha se quhej William Wallace; unë kisha dyshimet e mia për vërtetësinë e kësaj. Takova një djalë, qeni i të cilit kishte të shkruajtur fjalën “Liri” mbi kurriz. Kur i mendoj sot, në retrospektivë, shumë gjëra ishin për të qeshur. Herë pas here, energjia nga nacionalistët ishte e pakëndshme. Por, unë mësova të vërtetën e asaj fjale të urtë që e përmendnin shpesh radikalët e viteve 1960: demokracia është në rrugë…
