Një kandidate doktorature në Stanford pohon se perceptimet tona ndryshojnë varësisht nga stili apo gjinia e bisedave.
Ne të gjithë e dimë atë ndjenjë të pakëndshme që, kur flasim për diçka interesante, në gjysmë të fjalimit, na ndërpresin – “Prit, çfarë ka sonte për darkë?” – shton.
Por a ishte me të vërtetë kjo një ndërprerje?
“Ajo që njerëzit e perceptojnë si ndërprerje, varet nga folës të ndryshëm dhe nga akte të të folurit”, tha Hilton, i cili është gjithashtu një fitues i Çmimit të Disertacionit Geballe në Qendrën Humaniste të Stanfordit. “Stilet biseduese të dëgjuesve ndikojnë në mënyrën se si interpretojnë mbi temën në fjalë, të mbivendosura si ndërprerëse ose bashkëpunuese. Të gjithë kemi mendime të ndryshme mbi mënyrën se si duhet të shkojë një bisedë e mirë “.
Hilton vëzhgoi 5,000 folës amerikanë për të kuptuar më mirë se çfarë ndikon në perceptimet e njerëzve për ndërprerjet. Në këtë eksperiment kishte pjesëmarrës që dëgjonin klipe audio dhe pastaj iu përgjigjeshin pyetjeve nëse folësit dukeshin miqësorë dhe të angazhuar, nëse e dëgjonin njëri-tjetrin apo e ndërpresin.
Hilton vuri re se folësit anglezë amerikanë kanë stile të ndryshme biseduese. Ajo identifikoi dy grupe të dallueshme: folës me intensitet të lartë dhe me intensitet të ulët. Folësit me intensitet të lartë zakonisht ndihen në siklet me momentet e heshtjes në bisedë dhe e konsiderojnë të folurën në të njëjtën kohë si një shenjë angazhimi. Folësit me intensitet të ulët mendojnë se ndërhyrja është gjest i pasjellshëm dhe preferojnë njerëzit që flasin me rradhë në një bisedë.
Hilton gjithashtu vuri re një pabarazi gjinore midis pjesëmarrësve të anketës. Dëgjuesit meshkuj kishin më shumë gjasa t’i shihnin gratë që ndërprisnin një tjetër folës në klipin audio si tepër të pasjellshme, më pak miqësore dhe më pak inteligjente se burrat që ndërprisnin./The Guardian-Bota.al
