Natyra e vërtetë e Dashit
Njerëzit e Dashi duhet të ndiejnë se janë numri një për njerëzit që kanë pranë, përndryshe rrezikojnë të humbasin interesin. Nuk është një formë e pasigurisë, por është natyra e tyre e paracaktuar, kërkuese dhe konkurruese. Nëse dini të përmirësoni marrëdhëniet me një Dash, do të gjeni një person që është shumë argëtues, shumë miqësor dhe i sjellshëm, por edhe mbështetës dhe besnik.
Si të pushtoni zemrën e një Dashi
Njerëzit e Dashit janë shumë të ndjeshëm, kështu që ata duan përkëdhelje të lehta në faqe, por edhe në ballë, qafë dhe kokë. Pas atij vështrimi të ashpër dhe kokëfortë, fshihet një romantik i cili mund t’ju trajtojë si një mace duke u përkëdhelur. Ngjyra e kuqe tërheq vëmendjen e tyre dhe i bën ata të ndjehen shumë pasionantë, e bëjnë gjakun të ziejë, e bëjnë natën përvëluese.
Një shenjë e luftës dhe konkurrencës
Ata që kanë lindur nën këtë shenjë i duan debate e gjalla për ngjarje aktuale, sepse janë kuriozë të njohin mendimet e të tjerëve dhe idetë e tyre për botën në përgjithësi. Ata e vlerësojnë debatin por nuk u pëlqejnë monologët.
Ata nuk i pëlqejnë njerëzit e trembur, por vlerësojnë luftëtarët dhe ata që dinë të marrin përsipër sfidat. Eshtë pikërisht forca e rivalitetit dhe konkurrencës që i mban ata të gjallë dhe i stimulon. Nëse duhet të vendosni për një strategji luftimi, është pikërisht te një Dash që duhet të drejtoheni për të marrë këshillat e duhura.
Me Ujorin formon mirëkuptimin e përsosur
Çifti i formuar nga një person nga Dashi dhe një nga Ujori formojnë një marrëdhënie perfekte dhe të qëndrueshme. Dy shenja që plotësojnë njëra-tjetrën dhe që mund të dashurohen edhe për një jetë. Nga njëra anë, impulsiviteti dhe kokëfortësia e Dashi që gjithnjë pëlqen të eksplorojë horizonte të reja, ndërsa nga ana tjetër Ujori, një ëndërrimtar dhe imagjinues. Së bashku ata formojnë një çift të fortë, të aftë të përjetojnë emocione të paharrueshme së bashku.
