Shpesh na duhet motivim përgjatë ditëve të jetës sonë, sidomos në ato momente kur gjithçka po shkon keq për ne. Në listën e mëposhtme, do të gjeni të renditur disa nga sekretet më të veçantë, të cilëve në shumicën e rasteve nuk i kushtojmë rëndësi dhe që do të na bëjnë të jetojmë një jetë më të lumtur.
- Buzëqesh dhe qesh sa më shumë që të jetë e mundur.
- Dil, shijoje natyrën dhe nuhat çdo lule. Ato janë bekim prej natyrës.
- Testoje vazhdimisht veten, duke mos u kënaqur asnjëherë me arritjet e tua aktuale.
- Mos u ndal asnjëherë së mësuari. Edukimi duhet të jetë një proces i vazhdueshëm.
- Mos humb kohën në rrjetet sociale. Ato janë të rëndësishme, por nuk duhet të bëhen prioritet i kohës tënde të lirë.
- Gjej kohë për njerëzit që do. Puna dhe detyrimet kanë rëndësinë e vetë. Ata që duam, duhet të vijnë përpara tyre në radhë.
- Organizoje rutinën tënde dhe ndiqe planin që realizon. Kështu do të ndihesh shumë herë më mirë.
- Kujdesu për trupin tënd. Edhe pse thuhet se mendja është ajo që ka rëndësi, edhe trupi është element që të fal vetëbesim dhe lumturi.
- Dil shpesh në diell. Ekspozimi në diell dhe marrja e vitaminës D mendohet se ndihmojnë pozitivisht në humorin tonë.
- Vlerësoji të tjerët. Mos mbaj zili brenda vetes, nëse ata arrijnë diçka që ti doje ta arrije për vete. Mendo se edhe ti me pak më shumë përpjekje mund ta arrish atë gjë.
- Shko në vend argëtuese. Duke qenë në mjedise pozitive, me njerëz pozitivë dhe duke bërë gjërat që të pëlqejnë, padyshim do të ndihesh mirë.
- Vendosi vetes synime. Edhe pse ndoshta mund të ndihesh keq, nëse nuk i realizon ato, lumturia që do të ndjesh kur t’i realizosh, do të jetë tepër e madhe.
- Dashuroje punën që bën. Nëse një punë nuk të pëlqen, përpiqu të bësh diçka tjetër që të pëlqen dhe kështu do të ndihesh shumë herë më mirë. Një punë që nuk e pëlqen, është burim i madh stresi.
- Shqetësohu më pak, mundësisht aspak. Është e vështirë, por mund ta bësh. Disa gjëra nuk i ke ti në dorë, ndaj mos u shqetëso nëse ato do të ndodhin, ndryshe nga çfarë i prisje.
- Mbaje gjithmonë në mendje rregullin e artë. Trajtoji të tjerët, ashtu siç do të doje të të trajtonin ty. / bota.al
