Sipas historianëve të lashtë, Rruga e Shenjtë – e cila nisej nga Athina drejt qytetit të shenjtë të Eleusisit, ishte rruga më e mirë-ruajtur në të gjithë Greqinë. Arsyeja? Rruga e Shenjtë, ishte udha që çdo vit përshkrohej nga pjesëmarrësit në “Misteret Eleusiniane”, një festë fetare dhe fillimi i një ceremonie që simbolikisht ritregon historinë e Demetrës dhe rrëmbimin e vajzës së saj Persefonisë, nga Perëndia Hades. Dihet shumë pak për festimet aktuale, pasi ata pjesëmarrës që flisnin mbi ceremonitë sekrete shpesh janë vrarë nga pjesëmarrësit e tjerë. Edhe pse sot zakonisht perceptohet si një orgji e lashtë, e nxitur nga psikotropet (të tilla si shpikja e njohur kikeon), Misteret Eleusiniane zgjatën për gati 2.000 vjet në botën greko-romake, dhe mund të kenë përfaqësuar shprehjen më të madhe të fesë së lashtë greke. /Bota.al
