Numri i personave të identifikuar zyrtarisht të infektuar me koronavirus në Itali ka rënë për herë të parë që nga fillimi i shpërthimit të sëmundjes, thanë autoritetet italiane.Që nga e hëna,108.237 njerëz ose ishin duke u trajtuar në spital ose duke u shëruar në shtëpi, 20 më pak se një ditë më parë.
Autoritetet thanë se rënia ishte e vogël por simbolike dhe ishte një “zhvillim pozitiv”.Izolimi i i Italisë vazhdon deri më 3 maj, por disa biznese janë rihapur. Këtu përfshihen librari dhe dyqane që shesin rroba të fëmijëve, pasi zyrtarët po shohin se si mund të zbatohen me siguri masat e distancës sociale.
Italia ka numrin e tretë më të lartë të rasteve Covid-19 në botë pas Spanjës dhe SHBA. Të dielën, numri i ri i rasteve aktive pozitive në vend ishte 486.
“Për herë të parë, kemi parë një zhvillim të ri pozitiv: numri i rasteve pozitive aktualisht ka rënë,” tha shefi i agjencisë për mbrojtje civile Angelo Borrelli para gazetarëve. Më shumë se 24,000 njerëz kanë vdekur deri më tani nga koronavirusi në Itali, sipas Universitetit Johns Hopkins me qendër në SHBA, i cili po ndjek sëmundjen globalisht. Sidoqoftë, njerëzit që vdesin në shtëpi ose në institucione të kujdesit nuk përfshihen në shifrat e vendit, shumë besojnë se niveli aktual i vdekjes dhe infeksionit mund të jetë më i lartë se nivelet zyrtar.
Autoritetet italiane i kanë quajtur shifrat “jashtëzakonisht inkurajuese”. Numri i personave të infektuar aktualisht me koronavirus ka rënë për herë të parë; është një moment historik i rëndësishëm, përkundër faktit se kishte më pak testime se një ditë më parë.
Rastet totale, që përfshijnë ata që kanë vdekur dhe janë shëruar, u rritën me mbi 1.2%, rritja më e vogël proporcionale që prej fillimit të shpërthimit. Sidoqoftë, kishte vetëm 454 vdekje.
Ndërsa numrat e infeksionit janë shkak për optimizëm, numri i përditshëm i vdekjeve po dëshmohet shumë i lartë.
Shifrat e kujdesit intensiv tregojnë gjithashtu një prirje në rënie, meqë shtrimi tani është në nivelin e tij më të ulët në një muaj. Italia është në rrugën e duhur – dhe tani ndjehet sikur sakrificat e saj po shlyhen.
BBC/bota.al
