Jeta e Sidni Railit është një krijim i ngatërruar dhe i ekzagjeruar, me shumicën e tyre të krijuara nga vetë Raili. Bihet gjerësisht dakord se ai lindi në Odesa, një qytet në Ukrainën e sotme. Si fëmijë pati mbiemrin Rozenblum, e vetmja gjë konstante në tregimet e tij të jetës së tij të hershme.
Ka dëshmi të tilla ku Rozenblum lufton me disa fise braziliane, grabit anarkistët italianë, dhe se fliste rrjedhshëm 7 gjuhë. Nuk dihet se sa nga këto ishin të vërteta, madje edhe historitë e ardhjes së tij në Londër janë të shtrembëruara. Kur mbërriti në kryeqytetin anglez, ai nisi një lidhje me një grua të re, burri i të cilës vdiq në rrethana misterioze menjëherë pas mbërritjes së tij.
Pas kësaj ngjarje, ai mori emrin Sidni Raili, dhe udhëtoi drejt lindjes, në Rusi dhe Azi. Më vonë, ai mori pjesë në një komplot për të vrarë Vladimir Leninin, dhe për të rrëzuar qeverinë bolshevike, por operacioni dështoi.
Gjatë gjithë jetës, Raili punoi për inteligjencën britanike, duke pohuar se ai kishte marrë pjesë në një takim të Komandës së Lartë të Ushtrisë Gjermane në Luftën e Parë Botërore, vëzhgonte dërgesat e armëve holandeze gjatë Luftës së Dytë Boere, dhe kishte vizituar Korpusin Ajror Kanadez në Luftën e Parë Botërore .
Megjithë zgjuarsinë dhe dinakërinë e tij, Raili u kap nga sovjetikët dhe u ekzekutua pranë Moskës në vitin 1925. Por trashëgimia e tij jeton. Ai konsiderohet si një nga spiunët më të mëdhenj në histori, dhe frymëzoi personazhin Xhejm Bond./ bota.al
