Çdo shenjë horoskopi ka cilësi të mirëpërcaktuara , disa pozitive dhe disa jo dhe aq pozitive. Sipas shenjës, në të cilën ke lindur, edhe ti ke virtyte që do të ndihmojnë të realizosh projektet dhe objektivat, qoftë në nivelin sentimental, por edhe social e në punë. Në vijim do t‘ju tregojmë cila është pika më e fortë e çdo shenje dhe çfarë duhet bërë për të përmirësuar aftësitë dhe për të pasur sukses në gjërat që synon për të arritur.
Dashi
Gjëja më e mirë e një dashi, ndër shumë cilësi të tjera, është vendosmëria. Dashi nuk dorëzohet përpara vështirësive, por bëhet më i fortë prej tyre. Do të forcohesh akoma më shumë nga çdo vështirësi e jetës, nëse punon për ta përmirësuar këtë virtyt.
Demi
Qëndrueshmëria është cilësia më e mirë e një demi. Nuk ka rëndësi sa pengesa hasin në këtë shoqëri, ata do t’u qëndrojnë besnikë parimeve të tyre për të arritur objektivat që kanë. Kur nevojitet të ndryshojnë rrjedhën e gjërave, sërish besojnë se nuk ka gjëra të pamundura.
Binjakët
Përshtatshmëria është cilësia më e mirë e kësaj shenje. Kjo gjë u lejon atyre të përshtaten me të gjithë, pa e humbur buzëqeshjen apo humorin e tyre. Nëse e forcojnë pak më shumë përqendrimin dhe vullnetin, asgjë nuk mund t’i ndalë dot drejt arritjes së objektivave të tyre.
Peshorja
Drejtësia morale dhe parimi i drejtësisë : këto janë dy virtytet më të çmuara të peshores, gjë që i bën të denjë dhe të çmuar jo vetëm në çështjet personale, por edhe në ato ku përfshihen persona të tjerë. Nuk do të bëjnë asnjeherë hapa që i konsiderojnë jo të drejtë.
Gaforrja
Ndjeshmëria është virtyti më i çmuar për gaforren. Kjo gjë i lejon ata të mbrojnë personat që kanë nevojë dhe t’i kuptojnë ndjenjat e të tjerëve. Nëse mësojnë se si t’i kontrollojnë emocionet e tyre, do të ndihen më mirë dhe nuk do të lëndohen shumë prej të tjerëve.
Luani
Rezistenca është karakteristika bazë e një luani. Kjo u lejon atyre të kalojnë vështirësitë dhe momentet delikate të jetës. Nëse e lënë pak mënjanë impulsivitetin dhe gjaknxehtësinë, nuk ka për të ekzistuar anjë stuhi që t’i ndalë në rrugën e jetës së tyre.
Virgjëresha
Prakticiteti është virtyti i virgjëreshës. Atje ku të gjithë shohin probleme, ata do të shohin gjithnjë zgjidhje. Janë në gjendje të gjejnë përgjigje për çdo dilemë. Personat e shenjës së virgjëreshës nuk duhet t’i kritikojnë shumë të tjerët. Nëse ndalojnë së bëri këtë gjë, gjithçka do të shkojë mirë për ta.
Bricjapi
Vullneti është virtyti i bricjapit. Arrijnë çdo gjë që synojnë në jetë, sepse kanë shumë vullnet. Vullneti i shtyn ata të punojnë më fort se gjithë të tjerët dhe të arrijnë gjërat që synojnë, sado të vështira të jenë ato. Nëse punojnë pak për të rritur vetëvlerësimin, asgjë dhe askush nuk do t’i ndalë.
Akrepi
Intuita e kësaj shenje është unike dhe u mundëson të shohin të vërtetën që askush nuk e sheh. Nëse e përdorin në mënyrë inteligjente, do të ecin gjithnjë mbi një terren të fortë, sepse parashikimet e tyre rrallëherë gabojnë.
Shigjetari
Optimizmi është karakteristika dalluese e kësaj shenje. Nuk ka rëndësi sa e komplikuar është një situatë, ata dinë gjithnjë se si të shohin anën pozitive dhe të ecin përpara. Nëse këtë cilësi e shoqërojnë pak me realizmin dhe arrijnë të menaxhojnë pak impulsivitetin e tyre, do të ecin më lehtë drejt rrugës së suksesit.
Ujori
Kreativiteti është virtyti i ujorit. Gjithnjë vijnë me ide revolucionare dhe origjinale që e transformojnë në diçka akoma më të bukur botën e tyre dhe të personave përreth tyre. Kanë nevojë vetëm të zgjedhin ambientet e duhura për të nxjerrë në pak potencialin e tyre.
Peshqit
Imagjinata është vlera më e madhe që kanë. Ata mendojnë shumë rreth së ardhmes dhe rreth gjërave të mëdha që mund të bëjnë apo të arrijnë. Nëse mësojnë pak edhe të kontrollojnë emocionet e tyre, me mendjen që kanë, do të ecin shumë larg në jetë. / Bota.al
