Zen është produkt i praktikimit të vazhdueshëm të vetëdijshmërisë. Eshtë një mënyrë për të ndjerë, përjetuar, shprehur dhe kuptuar realitetin në tërësinë e tij. Eshtë një filozofi japoneze, që bazohet në mësimet e Budës. Në fakt, sarkazma dhe Zeni do të shkonin shumë mirë sëbashku.
Në fakt nuk ka asnjë kontradiktë. Që të jesh sarkastik, duhet të kuptosh temën në tërësi, për ta shprehur aspekte të ndryshme të saj. Zeni ka të bëjë me shprehjen e anëve të shumta të një koncepti, në të njëjtën kohë.
- Udhëtimi i një mijë kilometrave fillon me një rrip motori të prishur dhe me një gomë të shpuar.
Kjo është e vërtetë, në rrugën tënde, kudo ku je nisur, do të ketë ngecje dhe probleme. Në fakt, sa më i vështirë udhëtimi, aq më shumë do e vlerësosh pamjen në fund. Udhëtimi është një seri momentesh që pasojnë njëri-tjetrin, ku secili ka shumë pamje të ndryshme. Sigurohu që t’i shijosh të gjitha.
2. Kurrë mos të të shpëtojë shansi për të mbyllur gojën
Heshtja është mungesa e bukur e tingullit. Në filozofinë Zen, hapësira është e mbushur me zbrazëti, dhe zbrazëtia është një substancë. Eshtë si të thuash që zeroja është përfaqësuesja e hicit, por që gjithësesi është numër. Heshtja është një tingull që mund të mësosh ta shijosh dhe ta perceptosh heshtjen me të njëjtin ritëm unik, sa edhe muzikën.
3. Të gjithë të duken normalë, deri kur i njeh
Sa më shumë i afrohemi njëri-tjetrit, aq më qartë e shohim personin tjetër, si një individ unik. Duhet kohë për të shkuar përtej sistemeve të tyre mbrojtës dhe për të eleminuar projeksionet dhe pritshmëritë tona. Fillimisht ne shohim atë që jemi të gatshëm të shohim, pastaj teksa përftojmë më shumë informacion dhe perspektivë për personin, mund të lexojmë mes reshtave.
4. Mos ec prapa meje, sepse mund të mos udhëheq. Mos ec përpara meje, sepse mund të mos të të ndjek. Mos ec as në krahun tim. Thjeshtë më ler rehat.
Kjo është mënyra më poetike për t’i thënë dikujt: “Unë jam një njeri. Unë bëj gjëra. Më lër rehat dhe lërmë te jem njeri”. Eshtë e kollajtë për ne të projektojmë nevojat tona tek një tjetër, ndonjëherë edhe kur i mbajmë qëllimet dhe shprehjet tona thjeshtë, të tjerët mund të na keqinterpretojnë. Në fakt edhe ajo që është e dukshme duhet shprehur në një mënyrë që është e qartë dhe respektuese.
5. Kurrë mos e testo thellësinë e ujit me të dyja këmbët
Do ta marrësh përgjigjen, por do të lagesh më shumë nga sa kishe menduar të provoje. Ose angazhohu të përqafosh të panjohurën dhe të hidhesh, ose përgatitu të eksplorosh thellësinë. Fut vetëm njërën këmbë ndërkohë që pjesa tjetër e trupit është e thatë dhe e sigurtë. Mendo për përpjekjet në jetën tënde, të cilave nuk u përkushtohesh tërësisht. Ti nuk je i qëndrueshëm në zbatimin e vullnetit dhe vetëdijësimit tënd. Po përdor arsyen. A ka gjëra në jetë që të bëjnë panevojshmërisht të lagur? Më mirë të rimendosh teknikën.
6. Nëse thua të vërtetën, nuk ke pse kujton asnjëherë, asgjë
E vërteta nuk kërkon shumë përpjekje për t’u shprehur. Sapo përmendet, ajo del në majë të vetëdijes tënde. Gënjeshtrat dhe të vërtetat e deformuara nuk jaë shprehje të vërteta, ato janë thjeshtë rreze mbështetëse për egon dhe dëshirën tënde. Këto formacione janë në fluks të vazhdueshëm, kështu që të duhet të mbahsh mend informacionin e vjetëruar dhe ta përshtatësh me situatën aktuale.
7. Nëse ndonjëherë mendon se je i pavlerë, mos harro që je plot me organe të kushtueshëm
Ajo që ti e sheh si problem peshe dhe pengesë, një tregtar i tregut të zi mund ta shohë si një minierë floriri. Zeni ka të bëjë me perspektivën, kur ti zgjedh një këndvështrim, je duke kufizuar opsionet e tua. Duhet të mos shqetësohesh për problemet e trupit tënd, është e vetmja mënyrë që mund t’iadresosh. Ndërkohë që e pranon këtë aspekt, pyet veten: “A është kjo vërtetë e vetmja mënyrë si ndihem për trupin tim?” Vërtetë nuk ndien vlerësim, krenari apo respekt? Gërrmo përreth dhe përjeto sa më shumë këndvështrime që të mundesh.
7. Ndonjëherë ti je miza, dhe herë të tjera je fshirësja e xhamave
Jeta është plot ulje dhe ngritje, një seri fitoresh dhe humbjesh. Jeta duhet parë vetëm si një karusel. Sot duhet të kuptosh se si është të ndiesh i madh, i fortë e i shpejtë. Nesër mund të kuptosh si është të ndihesh i dobët, i vogël dhe i ngadaltë, krahasuar me sot. Vetëm duke shtuar emocione, këto ngjarje duken shumëngjyrëshe. Në të dy rastet je po ti, thjeshtë i ke kushtuar më shumë vëmendje njërit këndvështrim.
8. Gjithmonë mbaj mend se je unik, ashtu si gjithë të tjerët
Ne jemi të ngjashëm në dallimet tona, të bashkuar përmes individualitetit tonë, dhe të përsosur në mospërsosmëritë tona. Të gjithë kemi potencial të pafundëm, këndvështrime të pakufishme dhe imagjinatë pa kufi. Të gjithë shprehim pjesë të strukturës së pafundësisë, në kohë të ndryshme. Kjo është mënyra si jemi të gjithë të ndryshëm, e të njëjtë njëkohësisht./bota.al
