Ekziston rreziku që ndryshimet strategjike mund të përçajnë BE-në
Nga Mark Leonard dhe Vesela Çerneva
Mesazhet e solidaritetit me Francën, kanë vërshuar nga i gjithë kontinenti. Por nën mantelin e unitetit dhe të ankthit të përbashkët, tre linja ndarëse janë përhapur në të gjithë Evropën. Sesi do të zgjidhen ato, do të përcaktohet edhe nëse Bashkimi Evropian do të dalë më i fortë nga kjo ngjarje, me vlerat e tij të paprekura – apo nëse uniteti i saj i brishtë, do të shkërmoqet nga terroristët.
* * *
Së pari është ndarja ndërmjet atyre që duan të mbyllin kufijtë kombëtarë, dhe ata që duan një përgjigje të përbashkët evropiane. Lajmet janë është ende në zhvillim dhe kontradiktore, por kjo sugjeron se sulmet kanë rrënjë pan-evropiane:një shtetas francez që ishte monitoruar prej kohësh nga shërbimet e anti-terroriste, bashkëpunëtorë nga Belgjika, ndoshta të furnizuar me armë nga një malazez; gjetja e një pasaporte të falsifikuar të një siriani, që hyri në Evropë nga ishullit grek i Lerosit, përpara se udhëtonte drejt perëndimit nëpërmjet Ballkanit…
