Ekzistojnë elementë të ndryshëm në jetën e përditshme që mund të tregojnë detaje interesante mbi karakterin tonë, si p.sh., zakonet e përditshme apo mënyra se si sillemi. Madje edhe lloji i telefonit që përdorim mund të thotë shumë për ne! Ju propozojmë një eksperiment të vogël: zgjidhni një nga katër situatat e mëposhtme për të zbuluar më shumë rreth vetes tuaj. Cilin veprim do ta bënit së pari?
- Do fikja çajnikun
Zgjedhja e çajnikut tregon se mund të jeni një person entuziast dhe herë pas here impulsiv. Ju prireni të merrni vendime të shpejta dhe jeni të vendosur për të arritur qëllimet tuaja.
Rutina mund t’ju mërzitë kollaj. Ju parapëlqeni sigurinë dhe situatat e parashikueshme. Preferoni të keni një qasje të organizuar ndaj jetës, duke shmangur surprizat dhe ndryshimet e papritura.
- Do i përgjigjesha telefonit
Zgjedhja për t’iu përgjigjur telefonit tregon se jeni një person i përqendruar dhe taktik. E keni të vështirë të toleroni gabimet e të tjerëve.
Mund të përshkruheni si një person shumë aktiv profesionalisht, që di të menaxhojë shumë detyra njëkohësisht. Keni aftësi të mira për të komunikuar dhe për të ndërtuar rrjete. Ju pëlqen të jeni në qendër të vëmendjes dhe të krijoni marrëdhënie të frytshme.
- Do qetësoja fëmijën që qan
Nëse prioriteti juaj është të qetësoni një fëmijë që qan, kjo tregon se jeni një person paqësor dhe bashkëpunues. Ju pëlqen t’i ndihmoni njerëzit dhe nuk hezitoni të përfshiheni për të mirën e të tjerëve.
Ju i vlerësoni shumë marrëdhëniet familjare dhe shoqërore. Keni frikë nga vetmia dhe për ju është thelbësore të keni gjithmonë dikë pranë. Preferoni të kaloni mbrëmjet në qetësi në shtëpi sesa në mjedise të zhurmshme dhe të mbushura me njerëz.
- Do ndaloja qenin që po prish jastëkun
Ndërhyrja për të ndaluar qenin tregon se nuk toleroni rrëmujën, qoftë në shtëpinë tuaj apo në jetë në përgjithësi. Është e rëndësishme për ju që të mbani gjithçka nën kontroll.
Ju nuk qetësoheni derisa gjërat të jenë në rregull sipas standardeve tuaja. I kushtoni shumë rëndësi aspekteve materiale dhe statusit tuaj shoqëror dhe keni prirjen për të pasur një përgjigje për çdo pyetje, duke shërbyer si udhëzues për të tjerët se si të veprojnë në situata të ndryshme.
