Përplasja e asteroidit që mund t’i ketë shfarosur dinosaurët 66 milionë vjet më parë, ishte vërtetë e tmerrshme. Një analizë e re e gazrave të lëshuar nga shkëmbinjtë e avulluar në vendin e goditjes në Meksikën e sotme, tregon se impakti lëshoi deri në tre herë më shumë erë të keqe, squfuri klimatik nga sa besohej më parë.
Përplasja e Chicxulub lëshoi rreth 325 miliardë tonë squfur dhe 425 miliardë tonë dioksid karboni në ajër, raportojnë studiuesit në 31 tetor, në “Geophysical Research Letters”.
Ky lëshim relativisht modest i CO₂ mund të ketë kontribuar në ngrohjen planetare afatgjatë. Por reja masive e gazit sulfurik ka bllokuar diellin, sugjerojnë studiuesit, duke zhytur planetin në një dimër të errët të llojit të Narnias, që ishte më i ftohtë dhe më i gjatë se sa mendohej më parë. Kjo mund të ndihmojë për të shpjeguar, se përse kaq shumë bimë dhe kafshë të Tokës janë zhdukur rreth kësaj kohe, madje edhe ato që nuk jetonin pranë kraterit të përplasjes.
Studimi i ri sugjeron që përplasja mund të ketë lëshuar rreth tre herë më shumë squfur dhe shumë më pak dioksid karboni krahasuar me vlerësimet e 20 vjetëve më parë. / Bota.al
