Donald Trump është “rrezikshëm i sëmurë mendërisht”, ka pohuar një grup ekspertësh dhe komentatorësh.
Udhëhequr nga psikiatria e Yale, Dr Bandy Lee, 27 shkrimtarë shkruajnë në një libër të ri, i cili thotë gjithashtu se “çmenduria e tij është ngjitëse”.
Presidenca Trump, pohojnë autorët, “ka krijuar pasoja të pashembullta të shëndetit mendor në të gjithë vendin dhe më gjerë”.
Por jo të 27 janë profesionistë psikiatrikë ose psikologë; regjistri përfshin analistin e gjuhëve dhe medias Noam Chomsky dhe gazetarin Gail Sheehy.
Libri duket se sfidon trupin profesional të psikiatrisë amerikane, që thotë se mjekët që komentojnë sjelljen ose simptomat e supozuara të një figure publike shkelin një “parim themelor” të pëlqimit.
Zonja Sheehy shkruan në kapitullin e saj: “Nën sjelljen madhështore të çdo narcizistu gjendet gropa e vetëvlerësimit të brishtë. Po sikur, thellë-thellë, personi të cilit Trumpi i beson më së pakti, të jetë ai vetë?
“Poshtërimi i të ekspozuarit gjerësisht si një “humbës”, i paaftë për të imponuar veprimet që kishte premtuar gjatë fushatës, mund ta nxisë atë që të provojë se është, në fund të fundit, një ‘vrasës'”.
Dr. Lance Dodes, një psikiatër që ka punuar më parë në Universitetin e Harvardit, tha se Trump shfaq “cilësi sociopatike” dhe “humbje të vazhdueshme të realitetit”.
Dhe psikologu Philip Zimbardo, duke iu referuar vendimit të z. Trump për të nisur një sulm ndaj instalimeve ushtarake në Siri, pas sulmit kimik të Sheikhoun Khan, tha: “Ne besojmë se Trump është njeriu më i rrezikshëm në botë, një udhëheqës i pushtetshëm i një populli të fuqishëm i cili mund të urdhërojë lëshimin e raketave kundër një vendi tjetër, për shkak të shqetësimit personal të tij (ose të një anëtari të familjes), kur shohin skena të trishtuara të njerëzve që janë vrarë me gaz”.
Dr Lee ka kohë që është ankuar se psikiatrit që kërkojnë të paralajmërojnë për atë që ajo e ka quajtur “rrezikshmëria” e zotit Trump, janë të kufizuar nga rregulli Golduater i Shoqatës Amerikane të Psikiatrisë (APA), e cila thotë se është jo etike për psikiatrët “të ofrojnë një mendim profesional rreth një individi në formë informacioni të disponueshëm për publikun, pa kryer një ekzaminim personalisht”. / Bota.al
